محمد أنور يحكي عن ذكرياته مع مصطفى خاطر: أول حد وقف ضدي

حرص أبطال فريق "مسرح مصر" على توجيه رسائل معايدات وكلمات حب لزميلهم الممثل مصطفى خاطر بمناسبة عيد ميلاده.

أما الممثل محمد أنور فتذكر بداية معرفته بمصطفى وكيف كان يعامله، وحكى هذا الأمر ليذكره كيف كانت بدايتهما سويا وكيف هم الآن أصدقاء.

وعبر حسابه في موقع Instagram نشر محمد أنور صورة تجمعه بمصطفى خاطر وعلق عليها ليحكي عن بداية تعارفهما في فريق التمثيل بالجامعة وما حدث بينهما.

وورد في منشوره: "أول حد قابلته لما دخلت فريق التمثيل في كليه حقوق جامعه عين شمس، وأول حد وقف ضدي من أول ما دخلت الفريق وطردني من الفريق كذا مرة ( كنت ساكن جنبه وكنت أروح معاه بالليل ويطردني تاني يوم الصبح) كان دايما مش حابب وجودي وأنا كنت بتمني انه يتخرج بقي أو يهاجر أو يتسجن مثلا، المهم مشوفوش تاني".

وتابع: "وبعدها كان أول واحد أمثل معه في فريق الكلية وبقينا أصحاب قوي وكان بيقول لكل الناس ده ابني، وبقينا نروح سوا ونيجي سوا وأفرح قوي لما اكتشف إني ساكن جنبه رغم إني كان بقالي سنتين بروح معاه ولا كان واخد باله".

وأضاف: "أول واحد خلاني أقف وأمثل علي مسرح جامعة عين شمس وأول حد إداني بطولة مسرحية رغم إني كنت لسة جديد بالنسبة للجامعة وخلي الجامعة كلها تحبني. وبعدها كان دايما أول حد في كل حاجة حلوة في حياتي، فخور بنجاحه وأكتر حد فرحان عشانه لإني شوفت معاه سنين كتير كلها تعب وشقي".

واختتم رسالته ليصفه بصديقة اللدود: "كل سنة وأنت طيب يا صاحبي اللدود".

اول حد قابلته لما دخلت فريق التمثيل في كليه حقوق جامعه عين شمس ...واول حد وقف ضدي من اول مادخلت الفريق وطردني من الفريق كذه مره ( كنت ساكن جنبه وكنت اروح معاه بليل ويطردني تاني يوم الصبح ) كان دايما مش حابب وجودي وانا كنت بتمني انه يتخرج بقي او يهاجر او يتسجن مثلا المهم مشوفوش تاني ... وبعدها كان اول واحد امثل معاه في فريق الكليه وبقينا اصحاب اوووي وكان بيقول لكل الناس ده ابني وبقينا نروح سوا ونيجي سوا وفرح اوووي لما اكتشف اني ساكن جنبه رغم اني كان بقالي سنتين بروح معاه ولا كان واخد باله ...واول واحد خلاني اقف وامثل علي مسرح جامعه عين شمس واول حد اداني بطوله مسرحيه رغم اني كنت لسه جديد بالنسبه للجامعه وخلي الجامعه كلها تحبني ... وبعدها كان دايما اول حد في كل حاجه حلوه في حياتي فخور بنجاحه واكتر حد فرحان عشانه لاني شوفت معاه سنين كتير كلها تعب وشقي كل سنه وانت طيب ياصاحبي اللدود