من هنا تبدأ الخناقة: «مفيش فكة.. خد بالباقى لبان»

قطع لبان وحلوى متراصة داخل علبة صغيرة بجانب درج الحساب فى أى كشك أو بقالة أو سوبر ماركت، يُستخدم محتواها عشرات المرات خلال اليوم، بديلاً عن العملة المعدنية، لاستكمال باقى الحساب للزبائن، فأحياناً كثيرة يضطر الزبون إلى أخذ لبان وقطع حلوى «بونبونى»، بدلاً من الباقى، إما لعدم توافره وإما لرغبة صاحب المحل فى التخلص من البضاعة قدر الإمكان.

«مفيش فكة.. خُد بالباقى لبان»، جملة تستفز أيوب محمد، ويعتبرها استغلالاً من أصحاب المحال والأكشاك للمواطنين: «بعض البقالين مش بيكفيهم أن الأسعار غليت، لا بياخدوا الباقى حق مكتسب، ويدونى بيه لبان وحلويات، أعمل بيها إيه وليه.. زى ما باديله حقه، هو كمان المفروض يدينى حقى، كل واحد عنده التزامات كتير، والفلوس الفكة دى بتنفعنى فى المواصلات».

الزبائن: بعد ارتفاع الأسعار الموضوع مش مستحمل إننا ناخد بالباقى حاجة مش هنستفيد بيها وأصحاب الأكشاك: الناس فاكرة إننا بنستغلهم واحنا مش معانا عملات معدنية

الأمر نفسه بالنسبة إلى «دلال عبده»، ربة منزل فى الخمسين من عمرها، أصبح شغلها الشاغل قبل الخروج من المنزل تحضير الفكة حتى لا تضع نفسها فى هذا الموقف: «باحضر فلوس فكة قبل ما أخرج، علشان أتفادى استغلال البقالين وسواقين الميكروباص والتاكسى، أول ما تطالب بحقك يقول لك مش معايا فكة، وهما بيستعبطوا، وده اللى بيستفز الواحد زيادة».

رمضان محمد، صاحب كشك بمنطقة الدقى، يضع أمامه علبتان، إحداهما للفضة، والأخرى للبان والحلويات، يضطر فى أحيان كثيرة أن يعطى الزبون بالباقى «لبان»، وذلك بعد ارتفاع الأسعار، وإصرار الزبون على الحصول على حقه كاملاً، دون نقصان ولو ربع جنيه: «الناس مابقتش تسيب أى باقى نهائى، وفكرة اللبان هدفها إنى باضمن له إنه ياخد كل حقه، بس ماعرفش ليه الناس بتستفز من الباقى لما يكون لبان ولّا بونبونى.. طب أنا هاجيب فكة منين».