رواد السوشيال لـ«ميسي»: «نورت يا أبو تياجو بس مصر أكبر منك»

هاجم رواد مواقع التواصل الاجتماعي "توتير وفيسبوك" الدعاية المبالغ فيها التي صاحبت زيارة الأرجنتيني ليونيل ميسي لاعب نادي برشلونة الإسباني، وأكدوا أن مصر بحضارتها أكبر من ميسي وأعرق، وانتقدوا ما صاحب الزيارة من ترتيبات أكبر من الحدث بكثير، وإظهار الزيارة وكأنها إضافة لتاريخ مصر.

محمد منصور قال "زيارة ميسي أفضل حدث للدعاية السياحية عن مصر، أفسدها ما قاله سيف زاهر فضحتنا ياخي".. أما أحمد علي فقال "صناعة النجم .. أهم حاجة المفروض نتعلمها من زيارة ميسي، احنا في مصر، اللي بيفكر يشم نفسه، بعون الله بنشوه سمعة اللي جابه".

أما صفحة الأهلي اليوم، فوضعت صورة مجدي عبد الغني، لاعب المنتخب والنادي الأهلي السابق، وكتبت "أوعى زيارة ميسي لمصر تنسيك جول كابتن مجدي عبد الغني في كاس العالم"، وأضاف رمضان عمر "العار.. كيف يحتفون بلاعب كرة مشهور للترويج لمصر صاحبة ثلث آثار العالم وتوت عنخ أمون أشهر من ميسي".

أما الدكتور نور فرحات، أستاذ القانون الدستوري وعضو مجلس أمناء حزب المصري الديمقراطي، فقال على حسابه على فيس بوك: «ايه الهبل اللى فى البلد دى؟» أعظم لعب كورة بس مصر كانت أكبر من كده بكتير وعمرها متهزت لحد جاي فيها، من الاخر احنا بقينا بنتشعبط في اي حاجه بحجت تنشيط السياحة.

وقال عصام أحمد فكتب في بلد الفقراء أوي..تكلفة زيارة «ميسي» لـ«مصر» 20 مليون جنيه وطائرة خاصة له ولمرافقيه،كلوا بفلوس الغلابه ولسه هنشوف حاجه هياخدو بس.

أما عبدالفتاح فرج فقال :"هل ميسي أكبر وأهم من مصر، هل لو ميسي زار أمريكا أو اليابان أو انجلترا هيعملوا له الحفلة دي كلها.. احنا غلابه أوي.

وعلق "حاوي" على اللي حصل في الزيارة، وقال ":اللي بيحصل ده غلط !! المفروض الناس اللي كانت تقابل ميسي الناس الي عندها شغف الكورة، مش شوية ناس ببدل ميفهموش حاجة".