فندق نوبي في أسوان.."أشرى نارتي هيشتغل صيف وشتا"

حادثة مر بها أحمد صقر في إحدى رحلاته لأسوان، كانت هي السبب وراء بحثه في تشييد فندق بتراث نوبي خالص، ليتحول بحثه إلى هدف في أساسه إفادة لأهل القرية اقتصاديًا واجتماعيًا وخدميًا، ليكن عام 2015 هو عام الدراسة والتخطيط وإشارة البدء لبناء فندق "اشري نارتي" بقرية غرب سهيل بأسوان، ليفتح أبوابه على مصرعيه في 22 فبراير المقبل.

فقد قال صاحب فكرة الفندق والقائم عليها أحمد صقر لـ "أتفرج"، إن "بداية الفكرة كنت عايز يبقى عندي بيت على النيل أقعد فيه كل فترة وقررت إن اعمله في أسوان لعشقي لها، وفي 2015 كنت في زيارة لغرب سهيل مع أصدقاء ليا، وبنت زميلتنا وقعت من علي الجمل وقعدنا طول الليل نجري بيها مش لاقيين مستشفي كويسة تعمل أشعة ونتطمن عليها"، مستكملًا: "بعد الحادثة فكرت ليه ميكونش البيت اللي هاجي أقعد فيه أسبوعين بس، يكون مشروع يمكن أهل القرية اقتصاديًا وبدل ما يكون الأمر ملكية خاصة ليا لا أشارك المجتمع فيه".