بالصور| طفل يتعرض للتعذيب على يد زوجة أبيه

صور تظهر علمية تعذيب لطفل جرى تداولها بكثافة خلال الساعات الماضية على موقع التواصل الاجتماعي "فيسبوك".

الطفل ظهرت عليه آثار تعذيب على مناطق مختلفة من جسده، فيما اتهمت سيدة قالت إنها مدرسته أبيه وزوجته بذلك.

ونشرت مستخدمة لـ"فيسبوك" الصور وقالت إن الطفل ابن قاضي بإحدى المحاكم، وأن الطفل اسمه "آسر".

وقالت من شيرت الصورة: "آسر وملك أخته أطفال نفسهم يعيشوا زي أي اطفال في حضن باباهم وماماتهم بس للأسف أبوهم وأمهم اتطلقوا وأمهم مش عايزاهم. باباهم اتجوز تاني و مش لاقيين أي حنية من أبوهم أو مرات أبوهم اللي بتبهدلهم... مش شايفين غير كل ذل وإهانة وتعب وعشان هما أطفال صغيرين وشايفين إن أقرب حد ليهم اللي هما باباهم وماماتهم اللي رامياهم قاسيين عليهم مش عارفين يقولوا كلمة أي بصوت عالي.. الأب اللي هو المفروض إنه سند وضهر هو اللي سايب مراته تعذبهم وتهينهم بحجة انها بتربيهم".

وتابعت: "الولد وقع من طوله وهو داخل من باب المدرسة.... المدرسة اتحققت لقيت عليه آثار تعذيب أخدوه وطلعوا به عالمستشفي وعملوا محضر... الولد إيده كانت مكسورة...الولد علي جسمه آثار تعذيب...الولد الهيموجلوبين بتاعه قليل أوي ونقلوله دم لأن مرات أبوه بتفضل بالأيام حبساه من غير أكل ولا شرب... وفي الآخر ضربته برجل الكرسي اللي كلها مسامير لغاية ما شوهتله جسمه كدة".