المحتوى الرئيسى

مرتضى مهاجماً حلمي : «البيه والباشا والخديوي مكنوش مصابين ولا جايين من سيناء بيحاربوا»

02/18 07:59

شن مرتضى منصور رئيس نادي الزمالك هجوماً حاداً على محمد حلمي المدير الفني للفريق بعد الفوز الهزيل على الأوليمبي بثنائية نظيفة في دور الـ 32 بكأس مصر والخسارة أمام الإنتاج الحربي في الدوري بهدفين مقابل هدف.

وقال "منصور" في تصريحات لقناة "دريم" : "انا من حقي كمجلس إدارة أجتمع وأقيم وأقول الحتة دي في المية دي تغرقك لو نزلت فيها تغرق عشان غويطة ويقولي حاضر مش هنزل فيها ، وينزل ويغرق وانا اشدك".

وواصل رئيس الزمالك تصريحاته : "بعد فترة تانية اقولك الحفرة دي لو نزلت فيها هتقع مش هتطلع ، تقولي ياراجل هو انا صغير تروح واقع فيها تاني يبقى انت راجل مبتسمعش الكلام ده انت راجل عندي ومغرور ومحدش يسألني تفسيرات اللي بقوله".

وأضاف "منصور" : "انا عايز أسأل سؤال لما الاخوة في الأهلى الـ 3 فتحي وحجازي والسعيد رجعوا مصابين ولا مرهقين ، لا رجعوا مصابين ، انا رجالتي الثلاثة مش مصابين ، طارق بيه حامد مش مصاب على باشا جبر مش مصاب ، الخديوي أيمن حفني مش مصاب ، حضرتك مريحهم ليه في ماتش مهم واتقالك قبليها دول مش جاين من الجبهة وسيناء بيحاربوا".

أهم أخبار مصر

Comments

عاجل