المحتوى الرئيسى

صور| صاحب محل يقدم كبدة مجانا: «هدفي مش الشهرة ونفسي أساعد»

02/16 20:02

"أخي العزيز إذا لم يكن لديك مالًا فلا تستحي وتترك عائلتك بلا أكل، تفضل خذ ما تحتاجه لأبنائك من عندي فرزقي ورزقك على الله".. كلمات على لافتة صغيرة، يستقبل بها صاحب محل كبدة بمنطقة العجمي غرب الإسكندرية زبائنه من المحتاجين، ففي ظل غلاء الأسعار الذي طال جميع السلع بلا استثناء، لم يجد محمد متولي وسيلة لمساعدة غير المقتدرين سوى بيع الكبدة مجانًا لمن لا يملك شرائها.

يقول متولي، لـ"التحرير": "كان نفسي أعمل الفكرة دي من زمان بس ظروفي مكنتش تسمح، وأول ما الظروف سمحت نفذتها من حوالي شهر، في ناس كتير محتاجة وعمال باليومية فلوسهم مبتكفيش يجيبوا عشا لأولادهم وبيتكسفوا يدخلوا أي محل يطلبوا منه، حبيت أساعدهم وحطيت اليافطة دي عشان أشيل أي حرج من عليهم".

ويضيف: "هدفي مش الشهرة ولا أن الناس تعرفني، أنا بعمل ده لوجه الله، والأرزاق على الله، وأي حد هيجيلى هيطلب مني كبدة مجانًا هديهاله حتى لو لقيته نازل من عربية، ولو مش محتاج وأخدها دي حاجة بينه وبين ربنا".

أهم أخبار مصر

Comments

عاجل