ريم البارودي لبطلات "السبع بنات": "بحبكم.. وحشتوني"

نشرت الفنانة ريم البارودي صورة تجمعها ببطلات مسلسل "السبع بنات"، عبر حسابها الشخصي على "إنستجرام".

وعلقت "ريم" على الصورة قائلة: "علا غانم كلاكيت تاني مرة بعد مسلسل ولي العهد، فعلا كنتي ونعم الأخت والصديقة، وميرسي قوي علي كل حاجه حلوه عملتيها معايا، البنات الخمسه، أول مرة اشتغل معاهم، بس مفيش أحلى ولا أجدع من كده، إيمان العاصي بنت قلبي وجيلي، هي قريبه جدا لقلبي، وبجد من قبل السبع بنات فأنا من معجبينها، وفعلا ونعم الأخت، فريال يوسف شبهي في حاجات كتير، وأشياء كتير مشتركة بينا في الحياة، ونعم الأخت دنيا المصري بقي فيها مني كتير، وقريبة مني قوي، ونعم الأخت".

وأضافت "ريم"، "ميريهان حسين بقى اكتشاف.. أي نعم، شغل كان بينا قليل بس كانت ونعم الأخت، تارا عماد، روحها وقلبها الحلو اكتشاف الحقيقي، كلهم في غاية الاحترام والرقي والشياكة في التعامل نفسيات سوية، وعلشان كده ده كان سبب نجاح مسلسل السبع بنات، بحبكم وحشتوني".