ننشر نص كلمة السيسي خلال الندوة التثقيفية الـ 24 للقوات المسلحة

أكد الرئيس عبد الفتاح السيسي خلال الندوة التثقيفية الـ 24 التي تنظمها الشؤون المعنوية بالقوات المسلحة، أن الإرهاب هو أخبث وأدهى وسيلة لتدمير الدول وليس النظام فقط.

وفيما يلي نص كلمة الرئيس:

“بسم الله الرحمن الرحيم فرصة عظيمة جدا أن أحنا كلنا موجودين دلوقتي وبنتفرج على الفيلم ده وأكيد كمان كتير من المصريين وحتى في العالم بيتفرجوا عليه شوفوا اخبث وادهى وسيلة لتدمير الدول هي الإرهاب مهم أوي أن أحنا كمصريين نفهم وإلى بيسمعنا في كل حتة في الدنيا أخبث وادهى وسيلة لتدمير الدول مش تدمير أنظمة ده بيدمر الدولة تماما ببلاش”.

“مين يقدر يضرب سوريا كده مين يقدر يضرب ليبيا كده مين يقدر يضرب العراق كده مين يقدر يضرب اليمن كده الإرهاب بس يقدر ويقدر يضرب سنة وأكثر ده أول رسالة لينا كلنا”.

“الرسالة إلى عاوز أقولها للجيش إلى موجود دلوقتي عرفت قد أية عظم وشرف مهمتك عرفت قد أية أنت والشرطة قدسية مهمتك انت مش بتنتصر على عدو أنت بتحمي شعب بتحمي دولة من الضياع بتحمي أمة من التشرذم بتحمي دين أو فكرة الدين”.

“إلى أنتو شفتوه ده أرجو انت انتم دايما تفتكروه كويس لان هو مش بنقوله هنا دلوقتي علشان يعني نستدعي به ، مصر بقالها 3 سنوان ونصف وزيادة بتحارب هذه الحرب ومحدش حاسس بيها لان احنا بنحارب وبنبني وبنواجه وبنعمر لان احنا منقدرش نقول أجل الإعمار ده دلوقتي ونفضل نحارب علطول مينفعش فأحنا بنحارب حربين، حرب عشان نبني بلدنا وحرب علشان نحمي بلدنا”.

“الكلام عرفتوا قد اية القوات المسلحة والشرطة بتقوم بدور باقول شريف وعظيم ومقدس انك تحمي شعب ميبقاش لاجئين ولا مروع كدة دة اعظم مهمة واشرف مهمة وأقدس مهمة وربنا يعنكوا عليها.

عقب ذلك قام العالم الجليل والداعية الإسلامي الحبيب على الجفري بإلقاء كلمة عن الجند الغربي (جند مصر) والنجاة من الفتن.

وأكد الحبيب على الجفري أن الجيش المصري ولائه واحد وليس مشتتا، لافتا إلى أن فلسفة الجيش تكمن في إنه غير عدواني ولا يطمع فيما لدى الأخرين .

عقب ذلك قام الرئيس عبد الفتاح السيسي بمداخلة قال فيها “أنا أنتهز كلام الشيخ على الجفري، وأقول للجيش والشرطة أننا أتكلمنا كتير عن الولاء، وقولنا إننا معنداش ولاء مذهبي ولا طائفي ولا سياسي ولا حتى ولاء للرئيس، ولائنا لمصر وشعبها فقط، وأنا أحب أفكر الجيش والشرطة مرة أخرى أنه منذ 4 سنوات ونصف طلب مننا أن نسمح بدخول فئات معينة، وجاوبتهم أنه غير ممكن أن يدخل الجيش غير المصري الذي لا يملك أي توجهات دينية، يعني إنسان مسلم فقط أو مسيحي فقط ، وليس له توجه ديني محدد ، وقولت محدش هيدخل الجيش أبدا إلا المصري فقط، والكلام ده هيكون طول ما أنا موجود ، وده الشئ اللي حمى مصر ، لإن ببساطة تصوروا لو فيه أشخاص ليهم توجهات مختلفة ، أكيد الشخص ده هيقف مع توجهه ، ولازم الجيش والشرطة يعرفوا ده ، إن اللي ليه توجه محدد يخليه بعيد عن الجيش والشرطة ، وبعيد عن الدولة حتى ، لأن لو فيه توجه داخل أي مؤسسة من مؤسسات الدولة ، بيميل غصب عنه لتوجهه ولا يرى المصلحة الوطنية ، مصلحة بلده أبدا ، بل يرى مصلحة الفئة أو التوجه الذي يعتقد في سلامته ، وده أخطر شئ، ولا أتحدث عن الجيش والشرطة فقط ، بل أتحدث عن أي مؤسسة من الدولة .