من مصر إلى تركيا| إسراء: السفر مغامرة.. حلوة ومرة

"شات" بينها وبين صديقتها المقربة، جمع حكايات وأسرار وحلم السفر: "إسراء شوفي اللينك دا..أمتي يكون معانا فلوس ونسافر"، ابتسمت إسراء كعادتها وهي تحدث صديقتها، ودخلت علي اللينك المرسل لها، كان عبارة عن برنامج تبادل ثقافي تقدمة صفحة "AIESEC" المهتمة بالسفر -دراسة تبادل ثقافي وتطوع-.

البرنامج الذي اختارته إسراء كان تبادل ثقافي في 4 دول، وعليها اختيار واحدة من بينهم: "كان نفسي في تركيا، لكن الاختيار كان بين البرازيل والصين والهند والمغرب، فاخترت الصين".

أنتهت إسراء من ملىء الأستماره، وعادت إلى منزلها والسعادة تغمر قلبها، لكنه تذكرت أنها:"بنت ومن قرية في المحلة وعندها 19 سنة.. أكيد أهلى مش هيوافقوا على السفر"، لكن لرغبتها الشديدة في تحقيق حلمها، استطاعت إقناع أسرتها، التى وافقت بشرط:"أخوكي يسافر معاكي".

لم تتناقش إسراء كثيرا مع أسرتها، وقدمت لأخوها في نفس البرنامج، وبعد أيام حددت "AIESEC" لهم المقابلة الشخصية، :"بعد ما اتقابلنا في برنامج الصين، أخويا كلمني وقالى أنه فى برنامج لتركيا".

لحظتها، تشتت إسراء بين حلمها للسفر، وبين زيارتها للتركية، بسب شرط أسرتها:"لازم أخوكي يكون معاكي"، لكنها لم تستسلم وظلت أسبوع كامل تقنع في أسرتها، وبعد أرسال الـInvitation letter gihK، لها حدث أنقلاب في تركيا:" كانوا عاملين جروب على  WhatsApp لكل الـEps اللى رايحين على project، ده في يومها كان في ناس لسه واصلين وقاعدين في المطار، هم اللي طمنوني الصراحة، وقالوا مفيش حاجة والدنيا حلوة وماشيين عادي أهو".

عقبات كثيرة واجهت إسراء، لكنها أخيرا وصلت إلى تركيا:"مكنتش مصدقة نفسي"، هناك زارت عدد كبير من الأماكن السياحية، منها المساجد الزخرفة بالتراث الأسلامة، والحدائق الهادئة المطلة علي البحر، والفتوحة للجميع، والشوارع المزينة بالمباني والألوان، تقول وفقا لحديثها مع "الرحالة" :"رحنا قلعة في غازى عنتاب، ورحنا بيت أتاتورك مو حديقة الحيوان، ودي أكبر تاني حديقة على مستوى العالم،  رحنا جزيرة هالفين، بجد من أجمل الأماكن اللي زرتها، ومكان اسمه أورفا، المكان ده -بحسب روايتهم- لما كانوا حطوا سيدنا إبراهيم في النار وربنا قال كوني بردًا وسلامًا على إبراهيم، والنار دي اتحولت لمياه البحيرة، على حد قولهم،  وزرت مدينه اسمها مارسين قعدت فيها 3 أيام بجد كانوا أحلى 3 أيام، البحر هناك تحفة، ده غير إن اللمة في مكان حلو بتفرق، خصوصًا إن لما يكونوا الناس اللي معاك حبوك وانت حبتهم، والهزار والضحك ونزول البحر الساعة 3 و4 الفجر، واللعب والجري وفي نفس الوقت".