المحتوى الرئيسى

فيديو.. التلفزيون المصري يذيع تسجيلا لريجيني: “الفلوس مش فلوسي”

01/23 12:23

فيديو.. التلفزيون المصري يذيع تسجيلا لريجيني: “الفلوس مش فلوسي”

أذاع التلفزيون المصري صباح اليوم، تسجيلًا مصورًا للقاء يجمع بين طالب الدكتوراة الذي قتل في مصر، جوليو ريجيني، وبين ممثل الباعة الجائلين محمد عبد الله، وذلك بعد ساعات من قرار للنائب العام المصري ، نبيل صادق،  بالمواققة على مشاركة خبراء إيطاليين وشركة ألمانية متخصصة في استرجاع البيانات في قضية ريجيني.

بدأ الفيديو الذي بدا أنه تعرض لعملية مونتاج بعبارات لمحمد يقول فيها: “يوم خمسة ومراتي عندها عملية سرطان فبالنسبالي أشبط في أي حاجة، المهم تيجي فيها فلوس.”

ليرد ريجيني بلغة عربية: “بس محمد الفلوس مش فلوسي مش ممكن استخدم الفلوس بأي صورة عشان أنا أكاديمي ومش ممكن أكتب في الأبليكيشن، في المعلومات للمؤسسة في بريطانيا عاوز أستخدم فلوس بصورة شخصية، ولو حدثت الحاجة دي هي مشكلة كبيرة أوي بالنسبة للبريطانيين.”

ورد محمد: “مفيش سكة تانية؟” فقال ريجيني: “الفلوس من خلال جوليو من خلال بريطانيا والمركز المصري.” فرد محمد: “حاسس إن المركز المصري ممكن يضحك علينا وميديناش حاجة.”

ثم تابع محمد: “الموضوع دا هيتأخر كتير؟” ليرد ريجيني: “لو في فكرة وعايزين نحصل على الفلوس إن شاء الله هتكون مشاريع كتير من كل العالم للحصول على الفلوس، الموضوع مش متأكد أوي لازم نحاول. لو عندنا أفكار منك مثلا،” فقاطعه محمد “أجهزها”. ثم أكمل ريجيني “لازم نحصل على معلومات لحد مارس.” فسأل محمد :”معلومات زي إيه طيب وأنا أجهزها وأشتغل عليها من دلوقتي.”

فقال ريجيني: “مثلا، إيه المهم بالنسبالك في النقابة؟ النقابة عايز إيه؟ إيه المهم مع 10 ألاف جنيه بالنسبة للنقابة.”

ثم ظهر تعديل في الفيديو ليبدأ ريجيني بعبارة أخرى: “تحتاج النقابة إيه مع الفلوس دي؟” ورد محمد: “مش فاهم.”

ليوضح ريجيني: “دا السؤال المهم بالنسبالي.”

ثم قال محمد: “إنت برضه عايز الأفكار.” ليجيب ريجيني: “عاوز أفكار من السؤال دا أي حاجة.. كدا ممكن تتطور الأفكار.”

وأضاف محمد : “وهنستخدمهم في إيه.”

وكان محمد عبد الله، رئيس نقابة الباعة الجائلين قد خرج في 11 سبتمبر الماضي، قائلا إنه تقدم ببلاغ ضد ريجيني قب مقتله بسبب شكوك ساروته بشأن أسئلته حينما أجرى مقابلة معه، وأضاف في تصريحات صحفية أنه تقّدم بالبلاغ من منطلق غيرته على بلده ووطنه، وبعدما شعر بأن الأسئلة التي يوجهها له ريجيني”غير منطقية” ولا تتعلق برسالة دكتوراه كما قال له، وإنما “لها أهداف أخرى”.

أهم أخبار منوعات

Comments

عاجل