أمين شرطة قبل 25 يناير.. إشارة بذيئة بأصابعه لمواطن رفض دفع رشوة!

على الرغم من تضحيات وزارة الداخلية المستمرة أثناء مواجهة الإرهاب، ولكن يبدو أن هناك من يستمر في ممارسات خاطئة كما جرت العادة قبل ثورة 25 يناير، من طلب رشوة، أو سب مواطنين، أو التعنت دون وجه حق، حيث تداول نشطاء مواقع التواصل الاجتماعي مشكلة مواطن وصور خاصة بأمين شرطة في كمين شق الثعبان، ظهر فيها أمين الشرطة وهو يوجه إشارة بذيئة بأصابعه إلى المواطن، وذلك بعد أن طلب منه رشوة ولكن المواطن رفض.

ويأتي هذا قبل أيام من 25 يناير، ذكرى الثورة، وعيد الشرطة، ويبدو أن الأمين في عيد الشرطة لا يريد إلا إبراز الوجه الآخر للداخلية التي تحاول ليل نهار أن تغيره للأفضل.

#الي قطاع التفتيش والرقابه بوزاره الداخليه نص الشكوي “لو الناس بتاعت الداخلية يرضيهم أن راجل زى دا يفضل في وسطيهم الحكاية أن الراجل امين الشرطه ابوشنب دا عند كمين شق التعبان وقفني والمفروض أنه بيوقف نقل بس.. رخصك اتفضل.. هتشوف نفسك ولا اديها للظابط يسحب الرخصه؟ قلتلو ولا هشوف نفسي ولا هتسحبها انا لسة دافع غرامة بليل وانا دلوقتي رايح مرور الشروق انقل العربية قالي براحتك خد الرخص ودخل الظابط الي هو المفروض أنه نقيب وابن ناس وبيطبق قانون اسمه حسام بقوله لو سمحت”.

وتابع: “الباشا ساب الناس ووقفني وحكتلو الي حصل قالي مليش فيه منك ليه انا هسحب الرخصة طب باباشا دفعني المخالفة الفوريه مرديش ودا طبعا سين من بينهم بقوله حرام عليك احنا مش ناقصين الفلوس مش بنلاقيها مرديش واداني الوصل بقوله انت كده مبسوط قالي امشي يالا من هنا قلتله عموما انا مش هسكت وخت الوصل”.

وأردف: “المهم وانا ماشي بقول لامين الشرطة والله لافضحك وهقول لكل الدنيا انك راجل مرتشي طبعا شتمني بالام ونزل قعد يصور في عربيتي قلتلو انا كمان هصورك وهفضحك طبعا بيشتم وبيعمل الي في الصور وانا طبعا عشان عارف اننا مش في بلدنا احنا في بلدهم بس انا بقي عندى استعداد اتحبس في سبيل أن راجل زى نرحم الناس منه والله كل حرف حصل ومستعد اوجهه وانا هفضحه في كل مكان”.