بالفيديو.. بيومي فؤاد: مفيش كلام دكاترة بيريح غير كلام هبة قطب

قال الفنان بيومي فؤاد، إن صحة المريض وعمره في يد الطبيب بعد الله - سبحانه وتعالى -، متابعًا: «عشان كده لازم يكون فيه محلسة كبيرة حبتين عشان ميكتبش دواء مش موجود في السوق والواحد يدفع بدل الطاق اتنين بسبب البنزين وأنت بتدور على البديل».

وأضاف فؤاد، خلال أولى حلقات برنامجه التليفزيوني «بيومي أفندي»، والذي تم عرضه مساء أمس السبت عبر فضائية «dmc»: «وممكن الدكتور برضو يكتب دواء كله عبارة عن لبوس فلازم يتقاله جمل من نوعية ياه يا دكتور إيدك فيها الشفا على أساس إنه ابن سينا وهو في الحقيقة ابن دكتور كبير وارث من العيادة».

وتابع فؤاد: «قوله يا دكتور كلام حضرتك بيريح أوي وطبعا ده نفاق صريح؛ لأننا كلنا عارفين إن الكلام الوحيد اللي بيريح أوي هو كلام الدكتورة هبة قطب، وساعات بيضحك في نفس الوقت».