علي خير: «ماشوفناش من أبو تريكة حاجة وحشة.. ولو عندكم ورق ضده طلعوه»

أعرب الإعلامي محمد علي خير، عن استنكاره لقرار إدراج محمد أبو تريكة، لاعب الأهلي والمنتخب المصري السابق، على قوائم الكيانات الإرهابية، وإيداع اسمه على قوائم الممنوعين من السفر وترقب الوصول، قائلًا: «أبو تريكة ماشوفناش منه حاجة وحشة، ولو عندكم ورق ضده طلعوه».

وأضاف خير، خلال تقديمه حلقة أمس الثلاثاء ببرنامج «المصري أفندي»، عبر فضائية «القاهرة والناس»: «القضية فات عليها 3 سنين ومتحفظين على أمواله، اللي أنا أعرفه إنه لو ثبت إنه ممول لعمل إرهابي خدوه حطوه في السجن، لكن إيه قصة التحفظ على الأموال؟ معناها إنكم لم يرقى لكم دليل دامغ يدخله السجن، إنتوا كده بتاخدوا بالشبهات».