محمد محمود عبد العزيز يوجه رسالة لفريق عمل "الأب الروحي"

يشارك الممثل والمنتج محمد محمود عبد العزيز نجل الفنان الراحل محمود عبد العزيز في إنتاج مسلسل "الأب الروحي" والمقرر عرضه خلال أيام.

وكان محمد دائما يتواجد في مواقع تصوير أي عمل يشارك في إنتاجه، ولكن هذه المرة لم يستطيع فعل ذلك لظروف مرض والده والتي ألزمته أن يتواجد معه دائما.

ولهذا حرص محمد على توجيه رسالة شكر لكل فريق عمل المسلسل سواء من يقفون أمام الكاميرا أو من يقف خلفها وكل الفنيين وكل شخص شارك في خروج هذا المسلسل إلى النور.

وعبر حسابه في موقع الصور Instagram نشر صورة للملصق الدعائي للمسلسل وكتب:

"العمل الوحيد اللى للاسف ماقدرتش احضر ايام تصويره نظرا لظروفى اللى الدنيا كلها بقت عارفاها الحمد لله على كل حال، الحلم الحمد لله حصل زى ما تخيلناه انا و اخويا الكبير ريمون.

النهارده حابب اشكر كل النجوم اللى شاركوا فى الاب الروحى و اللى وجودهم اكيد اضاف كتير للعمل و على رأسهم عمى اللى يا رب يكون عارف انا بحبه قد ايه استاذ محمود حميده ربنا يخليك و يطول فى عمرك، و حابب اشكر كل الوجوه الجديدة اللى ان شاء الله بينتظرهم مستقبل كبير و اللى ان شاء الله هيبقوا نجوم بفضل ربنا و حب حضراتكم و دعمكم ليهم، بشكر المؤلف المجتهد هانى سرحان و مدير التصوير المتميز حسين عسر و المخرج الرائع بيتر ميمى، و بشكر رجالة فنون مصر اللى كانوا واقفين وقفة رجاله بجد و رجالة الانتاج طبعا، و طبعا لن انسي الجنود الجهولين و هم كل فنيين المسلسل فى جميع الاختصاصات، تسلم ايديكوا كلكوا و ان شاء الله روح الحب اللى بيننا كلنا هتوصل للناس و هيحبوا العمل و يصدقوه زينا بالظبط".

العمل الوحيد اللى للاسف ماقدرتش احضر ايام تصويره نظرا لظروفى اللى الدنيا كلها بقت عارفاها الحمد لله على كل حال، الحلم الحمد لله حصل زى ما تخيلناه انا و اخويا الكبير ريمون. النهارده حابب اشكر كل النجوم اللى شاركوا فى الاب الروحى و اللى وجودهم اكيد اضاف كتير للعمل و على رأسهم عمى اللى يا رب يكون عارف انا بحبه قد ايه استاذ محمود حميده ربنا يخليك و يطول فى عمرك، و حابب اشكر كل الوجوه الجديدة اللى ان شاء الله بينتظرهم مستقبل كبير و اللى ان شاء الله هيبقوا نجوم بفضل ربنا و حب حضراتكم و دعمكم ليهم، بشكر المؤلف المجتهد هانى سرحان و مدير التصوير المتميز حسين عسر و المخرج الرائع بيتر ميمى، و بشكر رجالة فنون مصر اللى كانوا واقفين وقفة رجاله بجد و رجالة الانتاج طبعا، و طبعا لن انسي الجنود الجهولين و هم كل فنيين المسلسل فى جميع الاختصاصات، تسلم ايديكوا كلكوا و ان شاء الله روح الحب اللى بيننا كلنا هتوصل للناس و هيحبوا العمل و يصدقوه زينا بالظبط.