مرتضى مهدداً ثنائي الزمالك : «هخليكم تبطلوا كورة .. أما باسم المتمرد له حدوتة تانية»

شن مرتضى منصور رئيس نادي الزمالك هجوماً عنيفاً على ثلاثي الفريق باسم مرسي ، إسلام جمال ورمزي خالد بعد غيابهم عن مران يوم السبت.

وقال "منصور" في تصريحات للموقع الرسمي لنادي الزمالك : "عمري ما اتدخلت في التشكيل وأسالوا محمد حلمي ، بس من حقي أسأل ليه اللاعب ده مبيلعبش ولا ما اتمرنش ، ولما روحت التمرين لقيت إسلام جمال ورمزي خالد مش موجودين وانا هبطلهم كورة".

وواصل رئيس نادي الزمالك تصريحاته : "باسم مرسي بقى له حدوتة تانية هيتم حسمها ، وهو الخسران احنا مش خسرانين حاجة ، نادي الزمالك يا باسم أكبر منك 100 مرة وانت بدأت رحلة التمرد ومصيرك مش كويس ، مجتش التمرين وما اعتذرتش".

وأضاف "منصور" : "عندك بقى عرض صيني ولا عرض كوباياتي ولا تايواني ولا معندكش ، عايز تيجي الزمالك تاني أو متجيش او عايز تمشي دلوقتي مفيش مشكلة بس احنا بنعاقب عقاب شديد ، عشان مينفعش نديلك كل الثقة دي وعمال تماطل فينا وانت جريت عشان تلعب للزمالك واحنا منعرفكش وجيت على مسؤولية اسماعيل يوسف".