تجار وبائعون: انفخاض حركة البيع والشراء بنسبة 50% نتيجة ارتفاع الأسعار.. نحن الأكثر تضررا

انخفض الإقبال على الأسواق، حيث يعم الهدوء أجواء سوق شبرا(الضاحية الشمالية للقاهرة الكبرى ذات الكثافة السكانية العالية)، باعة تتضاحك سويا وآخرون يحاولون إبعاد الحشرات عن تجارتهم. أما عن الشراء..اقتصرت أعداد الزبائن على 9 أفراد فقط.

"من الصبح قعدة ومابعتش غير للزبونة اللي وقفة قدامك" زينات مُعلقة لـ"البداية" حول حركة البيع والشراء، وتواصل:"الناس مابقاش معاها تشتري الخضار للأكل ..هيشتروا فاكهة لعيالهم".وتعلق على كلامها إحدى الزبائن:"أنا كنت بشتري فاكهة لعيالي يوميا عشان يتغذوا لأنهم لسة أطفال..دلوقتي بقت مرة وأحدة في الإسبوع وبشتري أرخص حاجة".

بينما يقول هاني-تاجر أسماك-"خلاص والله الواحد زهق ومابقناش عارفين نعمل إيه، والسمك بنزله بيبوظ عندي من كتر الركنة، وقللت الكميات اللي بنزلها، وبردوا بيبوظ عندي، ماهو مفيش زبون هيشتري سمك بقاله يوم ولا يومين".

خطوات قليلة، وتصل "البداية" إلى سوق الخضروات واللحوم، لتقول "سيدة":"لم علينا عبيدك يارب" أملا أن تكون محررة البداية، أحد الزبائن.

بينما يقول "سيد عبد ربه - بائع طيور"حركة البيع انخفضت بنسبة 50%، الناس مش عارفة تشتري فراخ بـ23 جنيه،و27 للبدي، وسعر كيلو البانية بقى بـ50جنيهًا".

ويبرر "محمد حليم -انخفاض حركة البيع والشراء" قائلا: "اللحوم وصلت لـ100 و150 الناس بتقبض كام عشان تشتري بالاسعار دي، لكن هنعمل إيه ما أنا بردو معرفش أقلل عن كدة وفي نفس الوقت ..اديني قاعد اهه بنش ولا في بيع ولا احزنون".