أمير طعيمة يهاجم يحيى الفخراني بسبب تصريحاته عن «الفقراء»

انتقد الشاعر الموسيقي أمير طعيمة، الفنان يحيى الفخراني، عقب تصريحاته الأخيرة عن الفقراء وتحمل الظروف الصعبة التي تمر بها البلاد.

قال «طعيمة»، «الفنان يحي الفخراني، اكن لفنه كل الإحترام والتقدير، واللي تمللي بيجبرني أني أكون من جمهوره ومعجبيه».

وتابع: «يا استاذ يحيى، غلابة مين اللي ما بيشتكوش، كون أن محيط حضرتك مفهوش غلابة يوصلك صوتهم فده مش معناه أن الغلابة ما بيشتكوش.. الغلابة الحقيقيين معندهمش فيس بوك، ولا بيعملوا مداخلات مع أحمد موسى.. بس حضرتك ممكن تنزل الشارع وتتكلم مع الناس وأنت تفهم أيه حالتهم واللي وصلوله، وهتسمع حكايات تشيب شعر الرأس».

وزاد: «لما الطبقة المتوسطة وفوق المتوسطة في بلد تشتكي من غلاء المعيشة فالطبيعي أنك تقدر تتخيل حال محدودي الدخل والفقراء»، متابعا: «الناس يتظاهروا ويخرجوا من هدومهم تهاجموهم، الناس يسكتوا ويستحملوا تقولوا مبسوطين وراضيين».

واختتم كلامه بالقول: «مش هتلاقوا شعب زيه بيخاف على بلده واستقرارها، وده اللي مخلي مصر واقفة رغم كم الضغوط الغير منطقية اللي علي الناس.. اللي قادر يعيش يعيش ويحمد ربنا ويسيبه بقي من الكلام على لسان غيره، مش ضروري تحس بالناس اللي أقل منك بس على الأقل ما تتكلمش على لسانهم بما لا يمثلهم ولا يرضيهم.. سيبهم في حالهم ولهم رب كريم»، مضيفا «ربنا عالم أنا بحبك قد أيه بس أن كنا بننتقد من لا نحب، فمن باب أولى نقوم بالمثل مع من نحب احتراما لأنفسنا».