بالفيديو.. محامي «وائل شلبي»: قال لي «لو كنت أقدر أنهي حياتي بس أنا حاجج بيت ربنا».. وألقي القبض عليه من فندق الماسة

قال سيد بحيري، محامي المستشار وائل شلبي، أمين عام مجلس الدولة السابق، والذي عثر على جثمانه داخل مكان احتجازه صباح أمس الاثنين، إن موكله قال له بعد ساعات طويلة من التحقيق «والله لو أقدر أنهي حياتي، بس أنا حاجج».

وقال بحيري، في اتصال هاتفي ليلة أمس ببرنامج «كل يوم» على قناة «أون تي في» مع الإعلامي عمرو أديب: «قعد 40 ساعة من غير نوم ودخل في تحقيق 7 ساعات، ولم يواجه بأي اتهامات خلال التحقيقات».

وأضاف: «كان استجواب حول حياته المهنية في مجلس الدولة ولم يتم توجيه له أي اتهامات أخرى أو فيديوهات أو مكالمات صوتية ولا حتى أقوال المتهم أحمد جمال اللبان».

وتابع: «أخر كلام قاله، أنا راضي عن نفسي وقدمت اللي أقدر أقدمه في مجلس الدولة، ولو في أي حاجة عليا، مفيش حد إلا له وعليه، ولازم تحاول تنام كويس عشان أنت مش نايم، وهو قال (ذهب عني سلطاني)».

وقال بحيري: «موضوع الانتحار، ده النيابة بتحقق فيه ومحدش يقدر يجزم بأي حاجة.. وهو قالي والله لو أقدر أنهي حياتي، بس أنا راجل حاجج بيت ربنا، وعارف المسئوليات اللي عليا، وموقعي في العيلة».

وتابع: «كان رافض فكرة أنه يتقبض عليه من بيته، عشان كدة نزل ليلتها في فندق الماسة، وكتب جواب قال فيه أنه مقيم في فندق كذا وغرفة كذا ومستعد للإدلاء بأقواله في القضية، وبعدين اتقبض عليه في الفندق الساعة 12 ونص مساءا».