بين مرضه وعجزه عن العمل.. حياة "عبدالملك" في خطر

يستيقظ في الصباح الباكر يسعى هنا وهناك بين الحواري والأزقة، أصُيب بمرض جعله عاجزًا عن العمل منذ 20 عامًا لصعوبة علاجه وكثرة تكلفته، مما اضطره للجوء إلى مجاورة الطرقات للبحث عمن يساعده في إيجاد لقمة العيش.

عبدالملك محمد، البالغ من العمر 61 عامًا، يعاني من انسداد بالشرايين أثر على تضخم في عضلات الوجه والرقبة "أنا بقالي 21 سنة عيان بالمرض ده من غير سبب، كان صغيرًا وفضل يكبر يومًا بعد يوم لحد ما قعدت من الشغل ومبقتش عارف اشتغل ايه".

يستكمل الرجل الستيني في أسى، أنه ذهب للعديد من المستشفيات الحكومية ووزارة الصحة ولكن دون جدوى "أنا روحت لقصر العيني ووزارة الصحة والسكان ومحدش عملي حاجة ولا حد علاجني وطلبوا مني إشاعات بـ850 جنيهًا لو معملتهاش مش هتتعالج وأنا مش معايا".

في لهجة يملؤها الحزن يقول عبدالملك "أنا معايا ثلاثة أولاد مش بيساعدوني أنا اللي بصرف عليهم، الولد الكبير مش بيسأل فيا و لا بيصرف علينا، و البنت الثانية في الجامعة، والثلاثة بنت لسه صغيرة"، متابعًا أن زوجته تعاني أيضًا من أمراض الضغط والسكر مما جعلها ترقد بالمنزل عاجزة عن العمل، وأصبح هو العائل الوحيد للأسرة "مراتي عندها الضغط والسكر ومش بتقدر تشتغل والـ400 جنيه هما اللي بنعيش بيهم طول الشهر".