المصريين بيبحثوا عن إيه النهاردة؟ – 18 يونيو 2016 - إعلانجي

بدأنا معاكم  سلسلة “المصريين بيبحثوا عن إيه النهاردة؟” ، نرصد فيها أهم ما بحث عنه المصريين على Google ، YouTube و Twitter، في آخر 24 ساعة وكذلك أكثر الفيديوهات مشاهدةً ورواجًا.

تعالوا نشوف المصريين بحثوا عن إيه آخر 24 ساعة:

النهاردة الاستحواذ على النتائج الأولى من نصيب كورة القدم وغياب لمسلسلات وبرامج رمضان تماما. النتيجة الأولى لموقع Yalla Shoot وتليه قناة beIN Sport ثم موقع كورة لايف.

النتيجة الأولى للبحث على الـYoutube النهاردة من نصيب إعلان أورانج – زحمة يا شهر زحمة – ثم مباراة الأهلي و زيسكو ويجي في الآخر الحلقة 2 من برنامج جو شو.

الحلقة 12 من مسلسل القيصر هي الأكثر انتشارا على مواقع التواصل الاجتماعي وبعديها برنامج هاني في الأدغال والنتيجة الثالثة محضر غش لرمضان صبحي واللى من الواضح إن مفيش غيره بيمتحن نظرا للتركيز الإعلامي الشديد معاه.

أكثر الفيديوهات اللى تم مشاهدتها النهاردة؛ فيديو خناقة رفاعي، والمركز التاني مشهد مقتل رفاعي ثم الحلقة 12 من مسلسل القيصر.

بالنسبة لـTwitter النهاردة في Trend واحد  متعلق بأحد برامج رمضان وهو خاص بعمرو مصطفى في برنامج رامز جلال، أما باقي الـTrends زي الأيام اللى فاتت بعيدة تماما عن مسلسلات وبرامج رمضان.