انترفيو مع "باسل الديب" أحد صناع إعلان إتصالات الجديد في رمضان - إعلانجي

مع انطلاق السباق الرمضاني بين البراندات، كانت اتصالات هي أول براند مصري يبدأ بحملته الإعلانية الجديدة “تخيّل بكرة”، واللي حققت فوق ال 2 مليون مشاهدة في أقل من 48 ساعة على فيسبوك. عشان كدة قررنا نجري حوار مع واحد من أهم الشخصيات وراء الحملة الجديدة ..

أنا باسل الديب . Head of Creative / Managing Director لشركة TNA وليا دور تاني في مجموعة طارق نور و هي اني  مسئول عن الـ creative  في المجموعة.

كل حاجة من اول البريف لغاية ما حطينا الاستراجية اللي شايفنها صح لاتصالات الفترة الجاية  و بعدين طلعنا الفكرة ونعرضها على الشركة ونبتدى ننفذها حطينا اهداف معينة و شغالين علي تحقيقها و الحمد لله احنا علي الطريق الصح غيرنا البلات فورم.. خليناها “تخيل بكرة” بدل “كل يوم جديد”

واحنا ركزنا ان الاعلان يبقى كل الناس اللى فيه ناس عاديين مش مشاهير عشان نوصل الرسالة اللى اتقالت فى اخر الاعلان ان “اتصالات ليها الشرف انها كانت جزء من حياة 30 مليون مصرى” و عادي جدا نظهر ناس شكلهم كويس.. ظروف الاعلان ده تسمح بكده.

وبالمناسبة اغلبية الاماكن اللى ظهرت فى الاعلان هى اماكن عادية جدا فى مصر و كل الناس اللى ظهروا فى الاعلان مصريين وده كان بيخدم فكرة اننا نتخيل بكره بشكل اجمل لمصر ونورى للناس اماكن جميلة فى مصر فى ظل الظروف اللي احنا عايشنها

الايام الجاية فى اعلانات هتظهر فكرة #تخيل_بكرة بشكل أكبر و معنى الرسالة هيكون اوضح

الحقيقة الرأى ده مبنى على فكرة غلط ان الاعلانات فى رمضان لازم يكون ليها علاقة بأجواء رمضان .. .. مفيش اى علاقة بعرض الاعلان فى رمضان وانه يكون مرتبط بأجواء رمضان .. وبالمناسبة يعنى احنا برضه فى الصيف

اللي انا عايز اقوله انه مفيش صح و غلط هنا، و مش لازم ان الاعلان اللي نازل في رمضان يكون ليه علاقة اجواء رمضان !!  ممكن اه و ممكن لا ,الناس بس اتعودت علي كدة .. الرسالة من الاعلان انه يوصل حالة بهجة وتفاؤل ببكره وده اللى المفروض يوصلك لما تتفرج عليه بعيدا عن بيتعرض امتى .. رمضان لما يخلص الناس هتفضل تشغل اغنية الاعلان  فى الصيف والعيد طول الوقت بعد رمضان. تاني ، كل شركة ليها اهدافها و لكل شركة مليون طريقة علشان توصل للهدف ده ..

الهدف من الاعلان بعيدا عن الالوان والاغنية وكل حاجة ان اتصالات عايزة تقول شكرا لعملائها ودى الرسالة اللى عايزين نركز عليها

الحقيقة ان الاعلان كله متصور فى مصر فى اماكن عادية اى حد يقدر يروح معظمها زى الفيوم ، الاقصر ، فجنون في سقارة مثلا  وكل اللى طلعوا فيه مصريين وزى ماقولتلك احنا بنوصل رسالة وصورة حلوة عن مصر وبنتخيل بكرة بشكل اجمل فا كل واحد يتخيل من وجهة نظره

الحقيقة مبحبش اتكلم على شغل حد خصوصا ان اللى عاملينه صحابى وبحترم شغلهم  لكن ممكن نقول ان الاعلانات اللى بالشكل ده عامة  بتكون حلوة بس نفسها قصير قوي  .. يومين تلاتة

انا بتابع كل اللى بيتقال سواء على السوشيال ميديا او لماالاعلان  بيتعرض فى مكان بتابع ردود افعال الموجودين و طبعا انك تسمع ردود الافعال و الاراء حاجة مهمة بس الاهم انك تشوف ايه ردود الافعال اللى ممكن تفيدك ومين اللى بيقول حاجة ليها معنى  تستخدمها بشكل كويس

انا مش ضد استخدام المشاهير لكن انا مع استخدام المشاهير بشكل يخدم الاعلان مش لمجرد ظهروهم وخلاص. اعلان اتصالات كان معمول للناس فا عشان كده استخدمنا ناس عاديين .. ممكن بعد كده فى باقى الحملة نستخدم مشاهير لكن يكون متوظف بشكل يخدم الرسالة

انا ضد انتقاد الاعلان عشان البادجيت وكل واحد حر يدفع فى الاعلان زى ماهو عايز

اعلان جهينة .. واعلان اتصالات طبعا

اه طبعا لسه هينزل اعلانات جديدة لاتصالات و البنك الاهلى  و  فريش  و حملة  بكل فخر صنع فى مصر وحملة ترشيد الكهربا اللى ابتدت بالفعل و حملة ترشيد الطاقة ، بيت الزكاة ، بيبي جوي ، UN WOMEN

شكرا ليك استاذ باسل الديب ونتمنالك افكار ناجحة اكتر ان شاء الله ..