المصريين بيبحثوا عن إيه النهاردة؟ - 13 يونيو 2016 - إعلانجي

هانبدأ معاكم من النهاردة سلسلة “المصريين بيبحثوا عن إيه النهاردة؟” ، نرصد فيها أهم ما بحث عنه المصريين على Google ، YouTube و Twitter، في آخر 24 ساعة وكذلك أكثر الفيديوهات مشاهدةً ورواجًا.

في صدارة نتائج البحث النهاردة هو العالم كارل لاندشتاينر الحاصل على جائزة نوبل عام 1930 وليه النادة الأهلى، ثم المسلسلات الخاصة برمضان.

المصريين النهاردة في Youtube بيدوروا على برنامج “أسلوب في رمضان” زي ما هو ظاهر كأول نتيجة بحث يليه مسلسل نيللى وشريهان ومازال إعلان جهينة في صدارة نتائج البحث من أول رمضان.

بالنسبة للفيديوهات الأكثر انتشارا على السوشيال ميديا من اليوتيوب هو فيديو الكورة مع عفيفي ويليه مسلسل القيصر.

في المقدمة مسلسل القيصر نفس نتيجة إمبارح يليه خناقة رفاعي مع عيله النمر- ماعرفش مين دول بس واضح إن الموضوع مهم – وآخر حاجة هي مسلسل نيللى وشيريهان.

زي الأيام اللى فاتت لا جديد بالنسبة لTwitter، أجواء رمضان في غياب تام عن الTrends ماعدا Trend واحد وهو الخاص بالدكتور مجدي يعقوب واللى ارتفع من امبارح بسبب إعلان مؤسسة مجدي يعقوب الجديد ” ارسم قلب ” واللى حقق انتشار واسع جدا أول مانزل.