7 اعلانات هاتعجبك لو حبيت اعلان جهينة الجديد في رمضان: الدندو - إعلانجي

من ساعة ما اعلان جهينة ” الدوندو” اتعرض وهو عامل ردود فعل قوية و افيه “الدوندو” بقى منتشر بشكل كبير على السوشيال ميديا فى يومين بس

اكتر حاجة مميزة فى الاعلان انه استخدم الاطفال بطريقة مميزة جدا تخليك متقدرش تنسى اسلوبهم فى الاعلان .. طبعا بالاضافة لأنك عمرك ما هتنسى “الدوندو”

لو كنت حبيت الاعلان ده احنا جمعنالك 7 اعلانات معتمدين على استخدام الاطفال بطريقة مبهرة هتعجبك:  

الاعلان ده بيقول ان طول الوقت مهما كان سنك بيبقى جواك طفل محتاج يلعب ويتبسط و من خلال بلايستيشن هتقدر تعيش فى عالم الالعاب .. اعلان حلو جدا واستخدم الطفل بطريقة فيها ابداع. 

الاعلان ده من اكتر الاعلانات المبهجة جدا .. فكرته بسيطة جدا وهى ان ماية افيان هتخليك تحس انك صغير فى السن دايما .. استخدامهم للمزيكا وولأطفال اللى بترقص هتخليك تحب تتفرج عليه كتير.

اتصالات قبل كده استخدمت الاطفال اللى بتتكلم فى سنة 2012  والاعلان كان لذيذ .. تعالوا نفتكره مع بعض.

الاعلان ده من الاعلانات العبقرية  اللى اعتمدت على طفل بيتكلم عشان توصل رسالة ان الموضوع سهل واى حد ممكن يفتح حساب حتى الاطفال. 

ده اعلان حافضات اطفال استخدم الاطفال بطريقة مبهجة عشان يوصلوا رسالة ان الطفل اللى بيستخدم الحفاضات دى مبيتضايقش خالص .

فى اعلان دوريتوس استخدموا الطفلة الذكية دى اللى قدرت تحافظ على اخر واحدة دوريتوس فى الكيس

اعلان energizer ده يمكن اكتر اعلان مشابه لإعلان جهينة من حيث استخدامهم للأطفال وللـ sex appeal و هم بيوصلوا رسالة ان اللعب بتاعة الاطفال لو عطلت هيبتدوا يدوروا على العاب تانية و بطاريات انرجيزر مش هتخليهم يعطلوا