دليل إعلانجي الكامل لاستخدام Google Analytics (الجزء الثالث) - إعلانجي

12/19 15:22

في المقال اللي فات؛ اتكلمنا عن تعريف الـ Segments وأهميتها وكيفية تطبيقها .. المرة دي هنتكلم عن خاصية تالتة في GA معروفة بإسم Views.

لو أنت وصاحبك نازلين في فندق وكل واحد واخد غرفة ب ” View ” مختلف، يبقي أكيد كل واحد هيشوف حاجة مختلفة بتفاصيل مختلفة صح؟ على أساس نفس المنطق ده الناس العظيمة اللي مسؤولة عن GA عملت حاجة اسمها Views. ببساطة شديدة، كل حساب GA تحتيه properties ( المواقع او التبطيقات اللي انت بترصدها)، وتحت كل property يوجد one default View بأسم all .full traffic/website data أل Views دي هي اللي بيبقي تحتيها ال customization اللي احنا اتكلمنا على اتنين منها في المقالين اللي فاتوا: Goals and Segments زي ما هو واضح في الصورة.

إنت أول ما بتبدي تستخدم GA، كل البيانات الموجودة عندك تحت ال full traffic/all website data View بتبقي خام. البيانات كلها موجودة بدون اي تعديل. بترصد 100% من الزائرين دون استبعاد مثلًا. الملعب قدامك لو انت عايز تعمل اي حاجة بايدك. طيب نفترض انك عايز تحتفط بامكانية انك تشوف البيانات اللي عندك من غير اي customization وفي نفس الوقت تقدر تشوفها من مكان تاني بكل ال customizations اللي انت عملتها، ايه اللي ممكن يتيحلك ده؟ الاجابة هي GA Views.

ببساطة ال Views بتخليك تقدر تشوف بياناتك بأكتر من وجهة. وجهة خام من غير اي حاجة، ووجهة تانية ب Filters (هنتكلم عليها بالتفصيل في المقال القادم)، وحبة Goals و Segments. ممكن مثلًا تكون عايز View مش معروض فيه غير بيانات الزائرين من مصر والسعودية وال Segments اللي انت عملها للبيانات دي والأهداف اللي انت حاطتها، وحابب تشارك ال View ده مع قسم معين في شركتك، وحابب تعمل View تاني مش بيعرض غير بيانات الناس الناس اللي بتجيلك من حملات مدفوعة وحبة Goals و Segments متعلقة بيهم، وتشارك ال View ده مع قسم الماركيتنج، و View تالت في كذا وكذا وتشاركه مع قسم كذا الخ.

ملحوظة: الحد الأقصى لل Views تحت كل property خمسة وعشرين.

هي دي فكرة ال Views: وجهات نظر مختلفة للبيانات لأغراض مختلفة، لأن اي GA account غالبًا بيستخدم من أشخاص مختلفة والشطارة انك تدي كل واحد اللي هو محتاجة. الراجل اللي بياخد غرفة ب sea view ميهموش يشوف الجنينة اللي بيستمتع بيها صاحبة اللي عنده ال garden view. تعالى نتكلم بشكل مفصل عن ال Views بعد الشرح العام لفكرتها.

ملحوظة: حتى لو أنت بتستخدم GA لوحدك فبرضه أن محتاج أكتر من View

Krista Seiden و Justin Cutroni (من الشخصيات المؤثرة في مجال ال digital analytics) بينصحوا دايمًا بأنك على الأقل تعمل 3 Views: واحد خام بدون اي تعديلات، وواحد للتجربة، وواحد فيه كل التعديلات. وده علشان في بعض التعديلات اللي انت بتطبقها على البيانات اثرها دائم وحتي لو لغيتها فالبيانات اللي انت كنت مطبق عليها التعديل هتفضل معدلة، فبالتالي مش هتقدر ترجع بأي شكل للشكل الخام للبيانات. الى جانب انك ممكن تكون عايز تحط Goals و Segments معينة في View بيشوفوا الناس بتوع ال social media مثلًا منفصل عن باقي ال Goals وال Segments في ال Views التانية.

يعني مثلًا أنا في الأضواء كنت عامل View للراجل بتاع ال content وعامل filter يخلي GA يرصد بس traffic المدونة وحاططله Goals ليها علاقة ب average time on page، والراجل بتاع السوشيال ميديا كنت حاطه في View تاني وحاططله Goal registrations.

علشان كدة أنت محتاج تحتفظ بال default View وتضيف عليه واحد تاني للتعديلات, والتالت للتجربة. المقصود بالتجربة هنا انك لما تحب مثلًا تطبق Filter معين وعايز الأول تتاكد ان البيانات الناتجة عنه هي اللي انت محتاجها، فأنت محتاج تجرب في مكان للتجربة، لأنك زي ما قولنا ال Filters بشكل خاص لما بتطبقها اثرها على البيانات بيفضل رجعي. طيب السؤال المعتاد: ايه المشكلة لو معملتش Views؟ بص كل اللي انا بقولهولك best practices for performance optimization. ممكن متعملش ولا Goals ولا Segments ولا Views ولا اي حاجة! بس هتخسر كفائة شغل وتنظيم وسهولة استرجاع وقياس بيانات. لو انت بتحب شغلك اعمله صح علشان تتميز—ببساطة.

ملحوظة: اي View جديد انت بتعمله بيبتدي يرصد البيانات من يوم انشائه، فدايمًا هيبقي في فرق من ال default View الموجود وال View الجديد اللي انت بتعمله من ناحية أرقام الزائرين حسب تاريخ انشائه.

في طريقتين: أول طريقة : 1- انك تخش على ال admin وتيجي عند ال Default View بتاعك وتدوس View settings.

2- وبعدين تدوس على زر copy view اللي فوق على اليمين.

3- بعد كدة هتختار أسم ال View وهيتم نسخه.

ملحوظة: اي View انت بتنسخه بيتم نسخه بكل حاجة أنت عاملها فيه زي ال Goals و Segments و Filters. فيفضل انك اول ما تعمل GA Account تعمل مثلا نسختين من ال Default View قبل اضافة اي حاجة وتخلي واحد للتعديلات وواحد للتجربة مع الاحتفاظ بال default View خام زي ما قولنا.

تاني طريقة: 1- ببساطة بتخش على ال admin وتيجي عنده View وتدوس على ال Default View اللي عندك علشان يتفتحلك ال Drop Down Menu وتدوس ” Create New View. “

2- بعد كدة هتختار اذا كان ال View ده لموقع ولا تبطيق وتكتب اسم ال View، وتختار البلد والتوقيت وتدوس Create View

ملحوظة: يفضل كتابة التاريخ جنب الأسم علشان تبقي عارف ال View ابتدي يرصد البيانات من امتى بسهولة زي ما موجود في الصورة