وكيل صالح جمعة : اللي بيهاجموه شوية همج - Goal.com

تحدث عبد الرحمن مجدي وكيل صالح جمعة لاعب وسط النادي الأهلي عن موقف اللاعب مدافعا عنه بعد الشائعات التي طالته خلال الفترة الأخيرة. 

 وقال مجدي عبر حسابه على "الفيس بوك" : خلوني أكون واضح جداً، أنا فعلا وكيل صالح جمعة لكن عمري ما أدافع عن الغلط، حصل قبل كده أخطاء من صالح ؟ حصل.. الأهلي عاقبه قبل كده؟ حصل.. و الإعلام كله عارف كده مفيش سر، لكن هل ده معناه ان كل واحد قاعد فاضي مش وراه حاجة يحط اسم صالح في جملة مفيدة انه بيعمل مصيبة ؟ هل عشان خطأه مرة اتعرف أصبح محكوم عليه انه مخطئ مدى الحياة ؟ طب هل تعلم ان مرة أنا و صالح اتفرجنا على مباراة في دوري الأبطال في كافيه، و انا معاه نزل خبر "صالح جمعة يشاهد المباراة بصحبة فتاة أجنبية في أحد الفنادق" .. و طبعا ناس كتير حابة تصدق من معلومات سابقة عن صالح.

 وواصل مجدي : الصورتين اللي نازلين دول في مكان معروف جداً في مصر الجديدة، مش كباريه في شارع الهرم زي ما شوية الهمج كاتبين، و الصورة باين فيها اسم المكان أكيد فيه منكم يعرفوا.. الشيء التاني انك لو بصيت على الشباك اللي في الصورة اللي عاليمين هاتشوف الدنيا ليل ولا نهار. 

 وتابع : الناس اللي قرت الخبر و قررت تخش تشتم و تسب و تحكم انه مش ملتزم و مفيش منه رجا، انا مش هاقول ان صالح ملاك، لكن ليه مافكرتش تبص في الصورة تشوف فيها ايه فاضح ؟ الصورة فيها ٤ ولاد و بنتين، عرفت منين مين صديقة مين و مين خطيبة مين ؟ عرفت .منين الساعة كام عشان تحكم انها "سهرة صباحي" خاصة ان الدنيا أصلاً نهار و ده مطعم و بيقفل، عرفت منين انها في كباريه في شارع الهرم ؟ بجد هل ده إعلام طبيعي ؟ و هل ده شكل كبايه؟