محافظ «المركزي»: تحملوا زيادة الأسعار سنة

طالب طارق عامر، محافظ البنك المركزي، الشعب المصري بتحمل زيادة الأسعار لمدة عام كامل، مشيرًا إلى أن الإصلاح الاقتصادي يحتاج إلى قرارات صعبة واقتناع بالمصلحة العامة والقدرة على تحمل ردود الفعل.

وكشف "عامر"، في كلمته خلال الجلسة العامة الثانية من الحوار الشهري للشباب مع الرئيس عبد الفتاح السيسى، والمنعقدة الآن حول الإصلاح الاقتصادي ورؤية الشباب، عن أسباب تدهور العملة المحلية أمام الدولار، لافتًا إلى أن مصر خسرت في الفترة الأخيرة عملة صعبة بعد توقف الدعم العربي وتدهور السياحة.

وأضاف: "إيه اللى حصل فى أسعار الدولار، وفى زيادة الأسعار، وأسبابها إيه؟ بسيطة جدًّا، كان بيجيلنا كل سنة دعم عربى فى حدود 10 مليارات دولار، فى 2015 جالنا دعم عربى فى الحدود دى، و6 مليارات فى مؤتمر شرم الشيخ، ودعم وقود 4 مليارات، والعشرة مليار دول مجوش السنة دى، يبقى إحنا لازم نعتمد على نفسنا، وكمان كانت السياحة بتجيب لنا 7.5 مليار دولار".

وأضاف: "عندنا طيارتين وقعوا السنة دى، يبقى نزلت لـ3 مليارات دولار، يبقى فقدنا كمان 4 مليارات، يبقى كده 14 مليار، إضافة للسياحة اللى طالعة برّه مصر عشان العملة رخيصة، يبقى 16 مليار دولار فجوة، يبقى لازم الناس تاخد إجراءات، يبقى صعبة لو سيبناها وسهلة لو واجهناها".