محافظ البنك المركزي عن «تعويم الجنيه»: «ضميرنا لا يرضى أن نداين البلد» | المصري اليوم

دافع طارق عامر، محافظ البنك المركزي، عن قرار «تعويم الجنيه»، وقال إنه «مُعد له منذ عام».

وقال «عامر» خلال كلمته بالجلسة العامة الثانية لمؤتمر الحوار الشهري الأول للشباب عن الإصلاحات الاقتصادية، بحضور الرئيس عبدالفتاح السيسي: «هل ضميرنا يرضي نداين البلد، واللا نزود الأسعار ولا نداين البلد؟، الشعب مش بيحب يداين البلد».

وأضاف «عامر»: «الحمد لله فخورين باللي حصل، والاقتصاد هو الثقة وهناك أطراف في الخارج والداخل تستخدم الأداة وتفزع الناس وتعمل قلق، الفزع والخوف عدونا، مصر فيها إمكانيات كبيرة وعندنا تحديات كبيرة أيضا».

وردا على سؤال «هو فيه أمل»، قال «عامر»: «يعني ايه فيه أمل دي بلد عمرها 7 آلاف سنة، لازم يبقى فيه تكاتف، لو كل واحد هيشك في التاني يبقى مفيش أمل»، وأكد أن «الدولار سعره ارتفع بسبب فقدان مصر 16 مليار دولار سنوي كان يأتي لمصر من خلال السياحة أو الدعم العربي».

وتابع: «فقدنا 16 مليار دولار هذا العام، يبقى لازم ناخد إجراءات صعبة وسهله لو واجهناها، المواجهة إزاي إننا نجيب تدفقات بديلة لتصليح لمنظومة سعر الصرف»، وأكد أن البنوك تلقت 5 مليار دولار في 20 يومًا، وتابع: «حرية القرار الاقتصادي ليه ثمن، القيادة مقتنعة إننا لازم نعمل الصح مهما كانت التكلفة، إحنا مش جايين في وظيفة ولكن إحنا مكلفين بعمل، وإحنا هنعمل حلم الرئيس».