قصة «مكالمة» أصابت «رشا نبيل» بصدمة: «طفلة تتهم والدتها بالخيانة والأخيرة تبكي»

خلال مناقشتها مشروع قانون الأحوال الشخصية، وكونه يضع حلًا للقضايا والمشكلات الأسرية من عدمه؛ تلقت الإعلامية رشا نبيل، مقدمة برنامج «كلام تاني»، عبر فضائية «دريم»، اتصالًا هاتفيًا من طفلة تُدعى «سميحة»، 13 سنة، تتهم والدتها بخيانة والدها على الهواء.

وتفاجئت مقدمة البرنامج وضيوف حلقتها بكلمات الطفلة الصادمة، وحاولت منعها الاستمرار في الحديث، إلا أن الطفلة أصرّت على عباراتها، قائلةً: «ماما اتجوزت واحد صاحب بابا، وخانت بابا، وكانت بتضربني عشانه، وكانت بتقولي هدلُق عليكي جاز وأولع فيكي لو أبوكي عِرف، وبعدين بدأت تكرهني في بابا وتيتة».

وبعد انتهاء مكالمة الطفلة بدقائق معدودة؛ تلقت مقدمة البرنامج، اتصالًا أخر من سيدة تُدعى «عزة»، تبكي قائلةً: «أنا اللي بنتي كانت بتتكلم دلوقتي، وجوزي وأهله هما اللي مسلّطين بنتي تطلع على الهوا تقول الكلام ده عليّا، أنا معايا ما يُثبت من جوابات بخط إيد بنتي، وصور ليها مع جوزي اللي معايا دلوقتي، لو شوفتيها يستحيل تقولي إنه جوز أمها».

أضافت: «هما ليه وإزاي كرّهوا بنتي في أمها وخلوها تطلع تقول عني كلام زي ده؟ بعد ما استحملت قرفه هو وأهله لمدة 10 سنوات كاملة عشانها هي وأخوها، دلوقتي منعني حتى إني أكلم أولادي في التليفون من 5 شهور، ليه يخلوا بنتي تكرهني كده؟ ليه يحفّظوها كلام زي ده كله كذب عني؟ ده أنا أمها اللي ربيت وطلّع عيني عشانها».