في حوار لـ«البداية».. الفنان «فتحي عبدالوهاب» يتحدث عن الفن وصناعة السينما والإنتاج وأزمة الإبداع وتعامل الدولة ومواقفه السياسية: هذا ما يحدث

عبدالوهاب: القوانين التي وضعتها الدولة عجزت المنتجين عن إنتاج الأفلام وأصبح الموضوع حكرا على من يمتلك المال مثل "السبكي"

عبدالوهاب: السبكي ينتج 80% من الأفلام لأنهم يمتلكون المال الكافي.. والسبب قوانين الدولة التي تطلب رأس مال محدد كي تستطيع الانتاج

الفنان فتحي عبدالوهاب: الفن يواجه أسقف كثيرة في الحرية بعيدة عن رقابة الحكومة مثل ما يتقبله المجتمع وما يرفضه

بعد منع فيلم "أخر أيام المدنية" من العرض في مهرجان القاهرة السينمائي بحجة عرضه في مهرجانات أخرى، ألقى هذا الضوء على الأزمات التي تمر بها صناعة السينما في مصر ومدى ارتباطها بالمتغيرات المجتمعية والسياسية، بدءا من رحلة صناعة الفيلم واحتكار انتاج السينما على شركات وأشخاص بينها وعن حرية الإبداع وارتباطها بالأوضاع التي تمر بها البلاد في فترات مختلفة.

"البداية" أجرى حوارا مع الفنان "فتحي عبدالوهاب"، للحديث عن صعوده الفني وتاريخه وأهم المشكلات والتحديات التي تواجه صناعة السينما في مصر الأن، بالإضافة إلى رأيه في أغلب القضايا السياسية المطروحة حاليا.

ما سبب عدم مشاركة الفيلم في مهرجان القاهرة السينمائي؟

ماعنديش معلومات كافية عن الفيلم و ماتبعتش الموضوع من أساسه، فهمت بس إن في حد عنده فيلم والفيلم ده قالولو هيشارك وبعد كدة قالولوا لأ مش هتشارك فأنت في الأخر مش بتكون عارف ايه حصل علشان تقدر تكون وجهة نظر أو رؤية .

وماذا عن المسرحية التي يتم إعدادها ؟

معظمها وجوه جديدة بالنسبة للعروض الكبيرة لكنهم ممثلين مسرحيين في الأساس وأكفاء جداً ومعظمهم دارسين وواخدين ورش كتير جداً في المسرح وأنا سعيد جداً إنهم في المسرحية، تم عرض المسرحية قبل كدة عرض تجريبي تلات ليالي بمسرح الجمهورية بالأوبرا للنقاد و الرقابة و كنا مستنين وقت موسم المسرح وفي نفس الموقت مستنيين مسرح؛ لأن في مشكلة في دور العرض في الدولة .

ما الذي تتحدث عنه المسرحية ؟

بتتكلم عن المتغيرات الثقافية اللي مش بمعنى النضارة والكتب لكن الثقافة بمعنى المكون الوجداني والشعوري والتاريخي وكل المكونات الموجودة في الشخصية المصرية والمكونات النفسية الموجودة في الشخصية المصرية، هي دي المتغيرات الثقافية اللي بنتكلم فيها اللي هي من أول نزول السادات في القدس لغاية 2009 وفي امتداد في المسرحية لـ 2050 أو 2070، وهقدم أربع شخصيات في المسرحية، وهي إنتاج وزارة الثقافة .

ماذا عن أفلام البطولة الجماعية وما مدى صعوبة جمع أسماء كثيرة بعمل واحد؟

هو مش صعب لكن بيكون صعب لما نفترض إن نفس التركيبة بنفس الأسماء هتعمل نفس الفيلم ، وفي مؤخراً فيلم من 30 سنة وبطولة جماعية و الفيلم اللي احنا بنعمة "هروب إطراري" بطولة جماعية، بس هي دي الفكرة مش فكرة إن إحنا بنعمل نفس الموضوع أو نفس نوع الدرما دي إنما هو موجود بس لو جينا نحسب على العدد إن إحنا كنا 8 في سهر الليالي هو ده اللي ممكن يبقى صعب لأن النهاردة السيناريو اللي هيشيل الـ8 دول و الإنتاج اللي هيشيل الـ8 دول هي دي اللي ممكن تبقى مشكلة طبعاً في ظل أزمة صناعة السنيما .

أزمة صناعة السنيما وشبح إحتكار الإنتاج في مصر

الإنتاج مش حكر على ناس بعينها لو بصينا في أخر 5 سنين نصيب إنتاج السبكي مقارنتاً بالسوق كله هتلاقيه تقريباً 80% والسبب لانهم هما اللي بياخدوا المخاطرة وهما اللي بيجازفوا و هما اللي بينتجوا بفلوسهم وهما ماعندهمش قنوات وراهم، وكلامي ده بشكل اقتصادي مش بشكل فني؛ لأن اللي بيخضع لمليون تقيم ولمليون رأي لكن هما نفسهم أي استثمارات ملهاش علاقة بالإنتاج حطوها في السنيما عنهم كاميرات عنهم مواقع تصوير مقفولة عنهم معدات إضاءة عنهم كل حاجة بس في استثمار جوة السنيما .

ولو هنتكلم عن الأزمة لازم نتكلم عن القوانين اللي حطتها الدولة إن هي بتقول على فكرة ان رأس المال مايقلش عن كم مليون فهي لما تعمل كدة بمتهى البساطة قضت على المنتج اللي بينتج فليم أو فيلمين في السنة، الدولة مش عايزة أنواع معينة من الفنون وطبعاً أكيد أنا مابقصدش النحت و الفن التشكيلي .

وما رأيك في مشاكل حرية الإبداع بمصر؟

مشكلة الإبداع ان احنا عندنا اسقف كتير جداً مالهاش علاقة بالسقف بتاع الرقابة الحكومية ببساطة في عشرات الموضوعات المجتمع مش هيقبل ان حد يناقشها المجتمع نفسه مش هيبقى عايز يشوف سوءاته لما ده يخلص ممكن نتكلم في فكرة التديق على الإبداع.

وعن الاهتمام بصناعة السنيما من قبل الدولة؟

أنهي اهتمام بصناعة السنيما وفي أكتر من 20 قناة بتقرصن الأفلام وتعرضها أثناء عرضها في السنيما ومفيش حد عارف يتحرك، أمريكا أما لاقت نسخ فيديو أيام شرايط الفيديو كنا دايما نسمع تشميع نادي فيديو بسبب المصنفات؛ لأن أمريكا هددت إنها هتستقطع 50 مليون دولار من المعونة الأمريكية في سنة علشان أفلامها بتتقرصن لأن الدولة هناك فاهمه يعني ايه سنيما اقتصادياً وسياسياً و كل حاجة في ديترويت ومتشجان وكليفلاند من الأفلام هما وصلوا لحد عندنا ماستناش أما احنا نروح لحد عندهم بس جالك وراك هو عامل ازاي من وجهة نظره فلازم يحمي الصناعة دي، الوحيد اللي كان بيحارب جداً علشان يوصل للحكاية دي المرحوم محمد حسن رمزي وراح فرنسا وقابل وزراء في الحكومة الفرنسية وطلب دعم من الحكومة المصرية وقالولوا مش عارف ايه و القمر الفرنسي والحزمة اللي مش عارف بيعرضوا عليها ايه والشركة اللي مأجره التردد ده اللي بيتحط عليه الأفلام دي بحيث إن النايل سات يبقى قريب من التردد بتاعها و بعدين ولا حاجة، انت ماعندكش إرادة حقيقية لده ماندكش فبتتكلم في ايه بقى اما نيجي نقول المبتدأ الأول يتصلح وبعدين نشوف الخبر، بالإضافة لحاجة تانية مهمة بعد ما كل ده يخلص أنت هتشوف هي ليه أفلام س و ص من الناس اللي احنا بنقول عليها أفلام لطيفة وفنياتها عالية و بتاع مابتجبش الإرادات المنتظرة يعني بس هي دي الفكرة علشان كدة بنقول قد ايه الثقافة مهمة ما هو السنيما مكون أساسي من مكونات الثقافة .

بدياتي كانت في مسرح الجامعة كان في اعلان نزل عايزين شباب وبنات جدد عشان فرقة في وقتها اسمها استوديو 80 كان عملها محمد صبحي ولنين الرملي فكانوا هيعملوا رواية لسة مش معروفة أي حاجة يعني فواحد صاحبي واحنا في رابعة تجارة عايز يروح فقالي قولتلوا يا عم لأ انا مش عايز ابقى محترف و بتاع اشتغل محاسب في بنك و بعدين ايه فن هي دي شغلانة مافيش حاجة اسمها كدة ايه تصحى الصبح رايح فين رايح أمثل اللي هو ازاي يعني كدة فقدملي من غير مايقولي على أساس أشجعه يعني بس فاروحت وخلاص وده كان مسرح الجامعة وطلعنا براه فاخلاص انت كدة اتحطيت في أول سكة الإحتراف مادام بتعمل حاجة وبتتقاضى أجر مقابلها فا انت خرجت من دايرة الهواية ودخلت دايرة الاحتراف .

وماذا عن الأوضاع السياسة بالبلاد حينها؟

تلخيص وجهة نظري إن في أوقات بتمر في حياة الشعوب أو الأمم أو المجتمعات وفي الغالب دي بتبقى في بدايات القرون؛ لأن دايما فيها يعني الحرب العالمية التانية كانت امتداد للأولى التحالفات مختلفة والدول اللي بتتحارب مختلفة بس تحس ان العالم فضل يفرك على حرب تانية يعني الناس كنت متطلبة ده و القوى و فكرة تقسيم العالم بغض النظر طبعاً عن تقسيم العالم مالوش علاقة بمؤامرة وكلام ده يعني هي مش مؤامرات خالص ده واقع سياسي وواقع عسكري و معاهدات وكل حاجة والقوي بيسود الضعيف مافيهاش تآمر ده قانون وكانت نتيجة ان افريقيا لغاية دلوقتي عاملة كدة، في الفترة دي ماينفعش تقيم ايه وانتى عندك 16 مجهول في المعادلة هتقيم ايه وانت كل الأمور الت تعتقد انها ثابتة هي متغيرة.

المجتمع في حالة تغير يومياً بيتغير بقى بوضع اقتصادي حالة نفسية صراعات مجتمعية صراعات مش عارف بين مؤسسات ايه و المجتمع يعني كل العناصر اللي جوة المعادلة مجاهيل يعني المفروض لما نشوف أي معادلة رياضية بيقى في طرف واحد اللي مجهول حتى لو بقى في طرفين مجهولين بس في قدامهم عناصر تانية معروفة فا بتقدر تستنتج ده انما انت عندك مافيش حاجة كله مجاهيل و خصوصاً حجم التضفق المعرفي اللي عندك في نضوج يعني انت تعرف ايه انت تعرف ايه انا اعرف ايه احنا مش عارفين حاجة فهنقيم ايه وانت مش عارف واللي ينطبق على الوضع العام ينطبق على الوضع الخاص وانت عندك كل يوم حد يطلع بشهادة طب اشمعى دلوقتي وليه في التوقيت ده طب وليه طول السنين اللي فاتت ماحصلش وايه ده و انتوا كنتوا فين فا ازاي هنقيم  بس نرجوا من اللي عارفين يبقى عندهم  plane B ,plane C,plane D  يعني نرجوا بس هو ده أمالنا، من بعد زيارة السادات للقدس حصل فروله في اللحمة الوطنية ودي كانت بداية فرولة اللحمة الوطنية و كان عندنا عمود فقري شايل كل الهيكل بتاع المجتمع لكن راح العمود ده و جه بعد كدة حاجات كتير اتشالت لحد ما اتفكت وفرطتت فابقينا ناس عايشين واحنا كل مجموعة مننا ماتعرفش المجموعة التانية وكل مجموعو مننا مقطنعة ومطربسة ومتخوفه واحنا كتير.

احنا 100 مليون بس في الأخر الـ 100 مليون دول ممكن يبقوا 20 مجتمع، وكمان عندك أقاليم  المصريين في الخارج، وعندك الناس اللي بيطلق عليهم عرب اللي هما في أي مكان في صحراء موجودين وماتعرفش دول ايه فين ازاي بيبقوا موجودين فين ماتعرفش انت عندك الناس بتوع سيناء و بتوع سيناء السياحية غير بتوع سيناء الشمال وعندك الصعيد وقبائل في الواحات وفي اللي في سيوة الأمازيغ والنوبة، فانت اللي كان ماسك المسبحة دي كلها خلاص والدليل على كدة ان انت النهاردة في كلام كتير اتقال على فكرة ماكفايانا بقى وفي ناس من الناحية التانية أخلوا أصلاً بمفهوم وفكرة المقاومة نفسها دنسوا المقاومة بأعمال مشينة فعلاً طب احنا ايه يا جماعة انتوا غيرتوا المناهج ولا ايه اللي حصل فتخيل ان احنا مستوانا في الأخر خالص ممكن يبقى عندنا قدر ولو ضئيل من المعرفة والإطلاع والثقافة والتاريخ بس اللي شغال بالفطرة بقى ايه بقى انت حاطو طول الوقت جوة الخلاط عمال تعمل فيه كدة .