المحتوى الرئيسى

الخطية العاشرة: تسيبوا البلد ليه الشغل كتير؟ الأم تجيب ابني هج من غلبه و فى الاخر تقولوا لنا تحيا مصر (الكذب)

11/11 15:55

في أول تعقيب له على الحادث خرج الرئيس السيسي فى خطاب تلفزيوني معاتباً الشباب : ليه نسيب بلادنا مفيش شغل فيها؟ لأ والله فيها وأنا بقول ده ، أنتوا سايبينا ورايحين فين؟ أحنا بنعمل مشاريع.

سيد أبو حرب قرية الروضة مركز فاقوس شرقية يدلي ببياناته بحدة ووضوح لبرنامج العاشرة مساء لا يبدوا خائفاً يصرخ عبر الهاتف: مشاريع أيه اللي السيسي بيقول عنها ياباشا، البلد كلها طافشه ياباشا العيال بتطفش من فقرها وخراب بيوتها ، السيسي قالنا قناة السويس هتجيب عائد وقال عملنا وعملنا لكن الأسعار في زياده، عيالنا بتموت م الجوع ياباشا".

 أمام كاميراتنا نحن الصغيرة التى لا تزيد عن شاشة الموبايل، صرخت أم محمد ببعض غضبها قالت: بنستلف علشان ولادنا تسافر علشان مفيش أى فرص عمل، بناخد قروض واللي عنده حاجة بيبيعها، اللى عنده بهيمة بيبيعها، فين المسؤلين وفين فرص العمل؟ مالناش أى قيمة فى بلدنا، الكلب برة له قيمة عن أهل مصر وشباب مصر.. وفى الأخر يقولك تحيا مصر؟ شيلالله يا مصر.

لا يوجد  في الأفق ما يدعو لمطالبة "ام محمد" بالهدوء فما بالك بالأمر بعدما يخرج خطيب المسجد بالجمعة الأولى بعد رحيل ابنها  ويقول وفق الخطبة الموحدة: "الهجرة الشرعية حرام حرام و من يفعلها آثم".

نزل الخطيب من على منبره، وانفضت الناس الى بيوتها و بينهم  200 بيت مكلوم، وبينهم ايضاً الشاب "صلاح عبد العزيز"، ربما يفكر هو أيضًا فى السفر لكنه حتى هذه اللحظة اكتفى بالقلم  وكتب قصيدة  "الجثة رقم 7" :

- ﺍﺳﻤﻲ ﺿﻴﻒ ﻋﺒﺪ ﺍﻟﺴﻼﻡ

- إﺳﻤﻪ : ﻃﻪ ﺿﻴﻒ ﻋﺒﺪﺍﻟﺴﻼﻡ

- ﺣﺪ ﻗﺎﻟﻚ ﺟﺜﺔ ﺍﺑﻨﻚ ﻧﻤﺮﺓ ﻛﺎﻡ؟

- ﺟﺜﺔ ﺍﺑﻨﻲ؟ ﻫﻮ ﻣﺎﺕ؟

ﺟﺜﺔ ﺍﺑﻨﻚ ﻧﻤﺮﺓ 7 ﻓﻲ ﺍﻟﻜﺸﻮﻑ

- ﻫﻮ ﻓﻴﻦ ؟ ﺑﺲ ﺃﺷﻮﻓﻪ ...

- ﻫﺎﺗﻠﻮﺍ ﻳﺎ ﺍﺑﻨﻲ ﻧﻤﺮﺓ ‏( 7 ﺭﺷﻴﺪ . ﺭﻓﺎﺕ ‏)

- ﻫﻮ ﻃﻪ ؟ ... ﻫﻮ ﻃﻪ ! ﻷ ﻳﺎ ﻃﻪ ﺍﺯﺍﻱ ﺗﻤﻮﺕ ...

ﺍﺻﺤﻰ ﻳﺎ ﺍﺑﻨﻲ ... ﻣﺘﺠﺎﻭﺑﻨﻴﺶ ﺑﺎﻟﺴﻜﻮﺕ

ﺩﺍ ﺍﻧﺖ ﺗﺤﻮﻳﺸﺘﻲ ﺍﻟﻠﻲ ﻛﻨﺖ ﺷﺎﻳﻠﻬﺎ ﻟﻮﻗﺖ ﺻﻌﺐ ...

ﺩﺍ ﺍﻧﺖ ﻧﻦ ﻋﻨﻴﺎ ﻳﺎ ﺍﺑﻨﻲ ... ﺍﻟﺼﺒﺮ ﻣﻦ ﻋﻨﺪﻙ ﻳﺎ ﺭﺏ !

ﻓﻴﻬﺎ ﺍﻳﻪ ﻟﻮ ﻛﻨﺖ ﻳﺎ ﺍﺑﻨﻲ ﻃﺎﻭﻋﺖ ﺍﺑﻮﻙ؟

ﻓﻴﻬﺎ ﺍﻳﻪ ﻟﻮ ﻛﻨﺖ ﻋﺸﺖ ﻭﻟﻮ ﻫﺎﻧﻮﻙ؟

ﻓﻴﻬﺎ ﺍﻳﻪ ﻟﻮ ﻛﻨﺖ ﻣﺶ ﻻﻗﻲ ﺍﻟﻘﻠﻴﻞ

ﻣﺎ ﺍﺣﻨﺎ ﻋﺎﻳﺸﻴﻦ ﺯﻱ ﻣﺎ ﺍﻟﻨﺎﺱ ﻋﺎﻳﺸﺔ ﻳﺎ ﺍﺑﻨﻲ ﻓﻲ ﻟﻴﻞ ﻃﻮﻳﻞ ﻗﻠﺖ : ﻧﻔﺴﻲ ﺃﻋﻴﺶ ﻳﺎ ﺣﺎﺝ ﻓﻲ ﺃﺭﺽ ﺣﺮﺓ

ﺃﺭﺽ ﺗﻄﺮﺡ ﺯﺭﻋﻬﺎ ﻣﺶ ﺃﺭﺽ ﻣُﺮﺓ

ﻭﻏﻠﺒﺖ ﺍﺑﻮﻙ ﻭﺍﻣﻚ ﻳﺎ ﻃﻪ ﺑﺎﻟﻜﻼﻡ ﺩﺍ

ﻗﻠﺘﻠﻲ ﺍﺻﺒﺮ ﻛﻠﻬﺎ ﻛﺎﻡ ﻳﻮﻡ ﻓﻲ ﻏﺮﺑﺔ

ﺗﻌﻤﻞ ﺍﻟﻘﺮﺷﻴﻦ ﻭﺗﺮﺟﻊ ﻣﻦ ﺃﻭﺭﻭﺑﺔ

ﺷﻴﻠﺖ ﺷﻨﻄﺔ ﻫﺪﻣﺘﻚ ﻭﻣﺸﻴﺖ ﻭﺭﺍﻙ

ﺍﺯﺍﻱ ﻳﺎ ﺿﻴﻒ ﺗﺒﻌﺖ ﻟﺒﺤﺮ ﺍﻟﻤﻮﺕ ﺿﻨﺎﻙ؟

ﻗﻮﻡ ﻳﺎ ﻃﻪ ... ﻣﺶ ﻋﺸﺎﻧﻲ ...

ﻃﺐ ﻋﺸﺎﻥ ﺃﻣﻚ ﺩﻱ ﻟﻮ ﻋﺮﻓﺖ ... ﺗﻤﻮﺕ

ﻫﻲ ﻗﺎﻟﺖ ﻣﺮﻛﺒﺔ ﻃﻪ ﺍﻟﻠﻲ ﻏﺮﻗﺖ؟ ﻗﻠﺖ ﻷ ..

ﻣﺮﻛﺒﺔ ﻃﻪ ﻓﻲ ﺃﻣﺎﻥ ﻃﻪ ﻋﺪﻯ ﻣﻦ ﺯﻣﺎﻥ ..

ﺩﺍ ﺗﻼﻗﻴﻪ ﺩﻟﻮﻗﺖ ﺷﻐﺎﻝ ﻓﻲ ﺍﻟﻴﻮﻧﺎﻥ

- ﻫﺎﺗﻮ ﺗﻠﺞ ﻟﺠﺜﺔ ﺳﺒﻌﺔ

- ﺍﺳﻤﻪ ﻃﻪ ﻳﺎ ﺑﺎﺵ ﺷﺎﻭﻳﺶ

ﺍﺳﻤﻪ ﻃﻪ ﺇﻟﻬﻲ ﺃﻭﻻﺩﻙ ﺗﻌﻴﺶ

أهم أخبار مصر

Comments

عاجل