‫20 فكرة ونصيحة توفر فلوسك وإنت مسافر أوروبا

اتكلمنا في مقالات سابقة عن إزاي نوفر في تكلفة الطيران وإزاي نلاقي إقامة رخيصة ومناسبة واحنا مسافرين، لكن في الفترة الأخيرة جاتلي أسئلة كتيرة جدًا عن إزاي نقدر نوفر في التكاليف اليومية واحنا مسافرين ونقلل التكلفة اليومية واحنا برا مصر خاصة في اوروبا، فالنهارده هديلكم شوية نصايح وافكار تساعدكم توفروا فلوس وانتوا مسافرين.

وانت برا تكاليفك اليومية ممكن نقسمها لأربع اقسام:

طبعا الاخوة الي بتضيف الشوبنج كبند خامس دول ملناش دعوة بيهم ربنا يتولاهم

تعالى ناخدهم بند بند ونقول في كل واحد شوية نصايح متجربة تساعدك توفر فلوس

الوافل في بلجيكا بيورو واحد فقط، وبالاضافات بقى 2 وكسر، عكس ما أهلك دايما بيقولوا، في أوروبا بقى كل street food دايما أرخص من المطاعم، كل من أكشاك الشاورما والدونر كباب والهوت دوج والبطاطس واشتري من المخابز، شوف أهل البلد بياكلوا إيه وكل زيهم، دايما أرخص وأطعم وكمان بيخليك تندمج أكتر في ثقافة البلد الي رايحها.

19. اسأل على الـhappy hours والset menus

مطعم في زيورخ عنده مينيو غدا 12 يورو، في ساعة الغدا في أوروبا (من 12-3 تقريبا) مطاعم كتير جدا بتبقى عاملة happy hour أو set menu برقم قليل اوبن بوفيه، اسأل حد لوكال من البلد على المطاعم دي، لو نازل في هوستل او اوتيل 3 نجوم اسأل الي شغالين فيه هتلاقيهم دايما عارفين، ودا مثلا مقال فيه اشهر مطاعم فيها Set menus في برشلونة.

ازازة مياة معايا دايما في كل سفرية، متشتريش ازايز مية، خد معاك ازازة من الي بتتملي للمياة دي واملاها من النوافير الصالحة للشرب او الحنفية حتى، مية الحنفية في اوروبا صالحة للشرب عادي

17. اشتري من السوبر ماركت

اي وقت اعدي على زيورخ، فطاري اليومي اقل من 3 يورو، طبعا مفيش ارخص من انك تخش تجيب حاجات من السوبر ماركت للفطار والعشا، والارخص كمان انك تطبخ بنفسك لو المكان الي انت فيه جواه مطبخ، علبتين جبنة على تونة على اي حاجه بتحبها في النهاية دايما ارخص من المطاعم.

16. متاكلش في مناطق سياحية

حوالين المزارات السياحية دايما الاكل اغلى من المناطق التانية، تجنب تاكل هناك وشوف المناطق ال يبياكل فيها السكان المحليين.

نصيحة إيطالية: في ايطاليا، اشرب القهوة على البار مش وانت قاعد في الكافيه، بنص التمن.

طبعا المواصلات دي موضوع كبير جدًا، وعايزله مقاله لواحده، بس هنقولك كام نصيحة هتفيدك في تقليل مصاريف الانتقالات وانت مسافر.

باص من بادوا لمدينة فينيسيا، انسى خالص موضوع التاكسي دا وعيش عيشة اهل البلد واركب اوتوبيسات ومترو ومكروباصات.

14. خلي وسيلتك الاساسية في الانتقال رجليك

امشي كتير، انت مش مسافر عشان تقضيها راكب طول الوقت، احنا مسافرين نتمشى ونستمتع ، حاول دايما تحضر للاماكن الي عايز تزورها في نفس المنطقة واتمشى ما بينهم.

كارنيه المواصلات في باريس، أغلب دول أوروبا فيها كارنيهات مجمعة للمواصلات، زي أبونيه أو اشتراك كدا بيبقى فيه عادة تذاكر مدتها مواصلة، أو يوم كامل أو أسبوع او عدد معين من المواصلات ودايما الاكتر ارخص، دور اونلاين قبل ما تسافر على الكروت دي وشوف الانسب ليك، يعني لو قاعد يومين ممكن تفكر تشتري تذكرتين كل واحدة 24 ساعة، لو مسافر مدة اطول خد حاجه تقعد معاك شوية، مفيش قاعدة ثابته دايما دور اونلاين على البلد الي مسافرها وهتلاقي معلومات.

وهتلاقي في اللينك دا، معلومات عن التكلفة التقريبية للمواصلات في 80 دولة حوالين العالم.

في أوروبا، تأجير العجل عاة تكلفته قليلة وسهل ومتاح جدا، والانتقال بعجلة في اوروبا تجربة غير انها ممتعة جدا، هي رخيصة كمان.

من أهم الغلطات اللي السياح بيعملوها -ومن أكبر الخدع الي بتخدعها شركات السياحة للسياح- إنك تسكن في حتت بعيدة اوي عشان أرخص وتكتشف في النهاية انك هتدفع مواصلات أكتر بكتير من فرق السعر اللي كنت هتدفعه لو سكنت في وسط البلد. طبعا دي مش قاعدة ثابتة، في المدن الصغيرة مبتفرقش اوي والافضل تسكن بعيد عشان رخيصة وهي كدا كدا بلد صغيرة، لكن في مدن كبيرة زي روما وباريس مثلا، لو سكنت بعيد عن وسط البلد، هتتعب جامد جدا وهتتكلف كتير.

نصيحة فرنسية: لو هتقعد مدة قصيرة في باريس، متشتريش كارت سياح tourist pass، اشتري carnet من الي بيبقى عبارة عن 10 تذاكر مجمعة، ومتنخدعش لو الراجل حاول يقول لك انه للفرنساويين بس، اي حد ممكن يشتريه عادي.

10. دور على اليوم المجاني

عادة ، أغلب المتاحف والمزارات الكبيرة في أوروبا بيبقى عندها يوم او يومين في الشهر الدخول فيهم بيكون ببلاش، دور على الانترنت وافتح موقع المتحف عشان تعرف لو فيه ايام زي دي، بس خلي بالك ان طبعا الايام دي بتبقى زحمة جدا.

9. اشتري tourist pass او musuem pass :

روما باس، أغلب مدن أوروبا بيبقى عندها حاجه كدا اسمها city pass، وهي نوع من الكروت معمول مخصوص للسواح بيكون أغلب الوقت بيشكل الدخول لمزار او 2 من المشهورين ببلاش و يديلك خصومات حلوة على المزارات الاخرى زائد عادة سماحية باستخدام المواصلات لمدة كام يوم وبعض المميزات التانية زي مثلا دخول المتاحف دي من غير طوابير وأشياء أخرى، وبرده بيبقى فيه حاجه تانية عادة اسمها musuem pass بتبقى مخصصة للمتاحف بس. طبعا مش شرط دايما يكون دا الاختيار المناسب ليك، دايما دور على الحاجات دي اونلاين قبل ما تسافر وشوف انت ناوي تزور ايه وتكلفته وقارنها مع تكلفة الكارت، اغلب الوقت بيكون الكارت افضل وارخص.

8. دور على Free city walking tours

في كل بلد فيه ناس كتير بتحب تعرفك على بلدها، واغلب شركات السياحة الي بتعمل private tours بتعمل free tours عشان تسوق نفسها برده وتحاول تبيع، دور قبل ما تسافر على الـfree tours الي في المدينة الي مسافرها، وممكن دايما تبدا باللينك دا  لشركة SANDEMANs من اشهر الشركات الي بتعمل free tours في حوالي 18 مدينة اوروبية .

لو سنك اقل من 26 ، اعمل كارت ISIC ، كارت بيثبت انك طالب ومعترف بيه دوليا، وخلي معاك كل ما يمكن ان يثبت انك طالب، اغلب المزارات المهمة في اوروبا بتدي خصومات هايلة جدا للطلاب  والشباب الاقل من 26.

6. استرد 10-20% من فلوسك

بما انك مش مقيم في الاتحاد الاوروبي، فانت مش مطلوب منك تدفع VAT اللي هي ضريبة المبيعات على المقيمين، فلما تروح تشتري اسأل دايما على الـVAT refund forms ، وهتلاقي اغلب المحلات الكبيرة في اوربا مشتركة في موضوع الـVAT refund دا، الموضوع دا كبير شوية ومحتاج مقال لوحده، بس الي محتاج تعرفه دلوقتي انك محتاج تعدي رقم معين من المبيعات عشان تستحق refund (دا جدول الـMinimum الي مفروض تعديه) بس بيتغير كل سنة فدور على الانترنت قبل ما تسافر. وروح المطار بدري-في الاخر خالص وانت خارج من الاتحاد الاوروبي)  معاك الحاجه اللي اشتريتها والفواتير وورق refund واسأل فين الـVAT refund.

نصيحة رومانية: كارت Roma Pass مثالي لو هتقعد في روما 3 ايام، الكارت تمنه 36 يورو وبيسمح لك باستخدام المواصلات 3 أيام ببلاش وبيسمحلك بدخول مزارات كتيرة تختار منهم 2 ببلاش (نصيحتي اختار الكولوسيوم و قلعة سان انجيلو تخشهم ببلاش) وتقدر تشتريه هناك من اي كشك او من محطة المترو الرئيسية Roma termini.

5.  ادفع كاش او بDebit :

خلي معاك Debit card وانت مسافر ، الـCredit card لما بتشتري بيه بيحسب عليك عادة 2% رسوم، الـDebit مفيش أي رسوم وخلي معاك كاش طبعا حتى وانت في اوروبا. والنصيحة دي هتفيدك مش بس في الهدايا والسوفينيرز، لكن هي نصيحة عامة هتتفعك في اي مكان.

لما تيجي تشتري من الاكشاك السياحية ومحلات السوفينيرز، فاصل عادي جدا ومتاخدش الرقم الي يديهولك كدا وخلاص ومتقلقش المحلات كتيرة جدا ومتفتكرش ان الميدالية الي عجبتك دي مش عند حد تاني، لو السعر معجبكش ورفض سيبه وامشي ، وبشكل عام مشتشريش من اول مرة ابدا.

3. دور اونلاين على أرخص اماكن تشتري منها

افتح جوجل ودور على ارخص اماكن تشتري منها souvenirs وميداليات في المكان الي انت مسافر فيه، وهتلاقي دايما ردود خاصة في منتدى Trip Advisor.

2. متشتريش من حوالين المزارات السياحية.. غالية