بالفيديو.. السيسي يقترح حلا لعودة الجماهير: كل والد وكل أسرة تنزل مع الشاب وهو رايح.. يستحق ده عشان يرجع سليم

اقترح الرئيس عبدالفتاح السيسي، خلال مشاركته في جلسة «عودة الجماهير» على هامش فعاليات مؤتمر شرم الشيخ للشباب، أفكارا تساعد على عودة الجماهير، مع تأكيده على عدم معرفته مدى إمكانية تحقيق ذلك.

وقال السيسي، اليوم الخميس: «عايزين نرجع الجماهير للملاعب عشان خاطر تبان صورة مصر أنها دولة شبابها وأهلها مهتمين بها، طيب هقول كلام غريب، ما تنزل يا والد ويا أسرة الشاب، ما تنزل معاه، مايستحقش منك كدة عشان يرجع معاك سليم».

وأضاف: «بقول كلام ماعرفش مدى إمكانية تنفيذه أو لاء، النهاردة الشاب اللي هيبقى رايح مع والده أكيد هيراعي أن أسرته معاه، الفكرة دايما هي اللي بتوجد الحل، ولو نجحت هنكمل عليها، ومش ممكن أبدا لا الأمن لوحده ولا الشباب والرياضة ولا الإعلام ولا الاتحادات يقدروا يتجاوزوا الإجراءات اللي بتتعمل للهدم، مش هدم الكورة».

وتابع: «مهو لما أوقف قطاع زي الرياضة، الناس اللي عايشينه من وراه أو من ورا السياحة مش هتعيش كويس، والدولة لن تستطيع أن تلبي مطالب المجتمع بالطريقة دي، يوم المجتمع ده ينفجر، تقوم الدولة تضيع».