مصطفى الجندى للسيسى: "أمى بتدعيلك"

بدأ مصطفى الجندى رئيس لجنة الشؤون الأفريقية، كلمته بتوجيه الشكر لوزير الدفاع السابق عبد الفتاح السيسى، قائلا: "جيش مصر وقف مع أولاده مرتين وأخذ صفهم مرتين، الأولى فى ثورة يناير والثانية فى 30 يونيو".

وتابع الجندى قائلا: "انتوا كبارنا واللى مالوش كبير يشتريله كبير، والعزوة ياريس هما الشباب اللى حواليك دلوقتى ".

ووجه الجندى حديثه للشباب، قائلا: "الدستور يعطى الشباب نسبة الـ 50%، انتو ليكو 50% انزلو المحليات وخدوها وهتجيبوا اللى على مزاجكوا، ومفتكرش إنكم هترضوا أن اللى مات يروحش أونطة وعشان اللى فات يرجع تانى".

وقال الجندى للرئيس السيسى: "الإنسان محتاج 3 حاجات وصى عليهم ربنا مايقولش أنا عطشان أو جعان أو بردان، ربنا مش هيحاسبك ياريس إننا نجحنا ولا ربنا هيحاسبك على اللى موجود واللى وزعناه بالعدل على الناس".

وأكد عضو مجلس النواب، أنه يجب أن نجمع اتجاهاتنا السياسة خلال الثورة، هذا ما طالبوا به ولكن الجميع طالب بالرجوع لقواعده الحزبية، متابعا: "رغم أن قواعده الحزبية دى كانت عبارة عن شقة غفى وسط البلد ، و7 شباب"، وإوعوا تنسوا إننا كلنا أيام الإخوان إتلمّينا ووقفنا وقلنا عايزين الجيش يبقى الحامى للمدنية فى الدولة، وقلنا عايزين جيشنا يبقى الراعى لينا".

قال مصطفى الجندى، إن مصر هى أرض الله ، وهذا الشعب شعب الله، كما قال رئيس برلمان عموم أفريقيا أن هذه الأرض أرض الله ، وهذا الشعب شعب الله ، ربنا بيحب البلد دى ، وربنا بيحب اللى يحبه ، وبيختص اللى بيختاره من الناس بالخير".

وأضاف عضو مجلس النواب خلال كلمته بالجلسة المؤتمر الوطنى الأول للشباب، أننا يجب أن نضع الثقة فى الشباب، ولا نقلل من شأنهم لأنهم يمثلون علماء المستقبل، وتابع قائلا: " الميدان كان فى 3 من أولياء الله الصالحين أنا شفتهم، فى ناس بتقولى ماقولش الكلام ده عشان ده كلام دروايش، لكن أنا عايز أقولكم أنا فى زمن الدراويش والبلد دى هتعدى هتعدى ".

بالفيديو.. مصطفى الجندى: ميدان التحرير كان فيه 3 أولياء بيحموا الثوار.. والزمن ده زمن الدراويش

بالفيديو ..رئيس "أفريقية البرلمان": الأرض دى أرض الله وشعبها شعب الله وربنا براحته يحب اللى يحبه