هكذا تحدث السيسي في شرم الشيخ: الإجراءات ضد بعض الشباب حماية للدولة.. والإعلام بيزيف الوعي.. وعن التعليم: أجيب منين؟
رصدت «البداية» أبرز تصريحات الرئيس عبد الفتاح السيسي، خلال اليوم الأول من المؤتمر الوطني الأول للشباب المنعقد بمدينة شرم الشيخ، من حديثه عن التعليم وحتى السياسة وأخيرا البيروقراطية وسجن الشباب.
وبدأ السيسي حديثه عن التعليم قائلا "أجيب منين وبكام"، مواصلا: "من المهم بناء الإنسان وليس فقط العقل المتعلم، لكن لوضع برنامج لطريق إعداد القادة واحترام الآخرين يجب أن يشمل الفصل 20 طالب فقط، ولو طبقت ده في مصر يبقى محتاج مليون فصل".
كما أنه أكد على عدم مقدرته في حل أي مسألة بالمسار التقليدي المعتاد عليه، لذا أوصي بحوار مجتمعي كبير لتحسين أوضاع التعليم، قائلا: "مش عايز 1+1= 2 عايز يكون 3 أو 5 أو 7 أو 9 ومش هكون ساعتها تقليدي خالص". مشددا خلال مداخلته بالجلسة الأولى، على صعوبة تطبيق هذا النموذج فى مصر، معللا ذلك بالقول: "المتاح من الموازنة كلها ماتقدرش تعمل كده".
وفي تأكيد على ما سبق أن كرره في كل أحاديثه عن الإعلام والإعلاميين، وجه السيسي اللوم على بعض الإعلاميين قائًلا: "وأنا بتفرج على التليفزيون أحيانا بشوف برامج، بقول إن الناس بتتكلم منفصلة عن الواقع وتزيف وعي الناس لحجم التحدي الحقيقي الموجود فيكي يا مصر، حد اتكلم عن النمو السكاني كأحد أهم التحديات التى تحول دون تحقيق فكرة تطبيق تعليم متميز فى مصر، خالوا بالكوا الناس بتتكلم كتير وده كويس، لكن أنا مسئول إن الدولة دى تعيش وماتسقطش".
وخلال الجلسة الثانية وفي حديثه عن (تقييم المشاركة السياسية في البرلمان)، رد السيسي على مطالبة الكاتب الصحفي د.أسامة الغزالي حرب، بالعفو عن الشباب غير المتهمين في قضايا عنف قائلا: "الإجراءات القانونية ضد بعض الشباب حماية للدولة ومحدش عايز يسئ لأولاده، وأنا قدمتلهم فرصة كبيرة وحاولنا نعمل سوا تجربة سياسية جديدة بالتشارك بينا، ومين عايز أصلا ياخد أولاده يحطهم في احتجاز".
وطالب السيسي الغزالي ومحمد عبد العزيز بتجهيز قائمة عفو، قائلا: "أنا بقول تتشكل مجموعة من الشباب اللى موجود هنا ودى رابع مرة أعمل الحكاية دى لأنى ماليش مصلحة، ويراجعوا كل حاجة واللى هيعلنوه أمامي هوقع عليه طبقا للدستور والقانون".
ومن اعتقال الشباب لمشاكل البسطاء، قال السيسي ردا على أحد مواطني بسيون قائلا: "أنت فاكر المشكلة عندك بس، المشكلة في مصر كلها، أنت بتقول القرية فقيرة، مصر كلها بتعاني وعشان كدة بنقول إحنا لازم نتجرد ويبقى عندنا نكران للذات".
وتابع السيسي: "بعدين خلينا عارفين إني ماسك مصر فيها أزمة حقيقية في الصرف الصحي، والحكومة كل هدفها أنها توصل لـ50% فقط من حل المشاكل، وأنا عارف أن في مشاكل كتير عشان كدة مابرداش أقول كلام كبير عشان ماتتعبوش مني يا مصريين".
Comments