بالفيديو..صاحب محل عصير قصب يروي تفاصيل اعتداء ضابط عليه بالضرب

روى نعمان صلاح، صاحب محل عصير قصب بمصر الجديدة، تفاصيل اعتداء ضابط شرطة عليه بالضرب أمام محل عمله بشارع إسماعيل رمزي، بمصر الجديدة.

وأضاف «صلاح» بمداخلة هاتفية مع الإعلامي وائل الإبراشي خلال تقديمه لبرنامج «العاشرة مساءً» المذاع على شاشة «دريم» :«كان في عربية قصب بتنزلي بضاعة وراكنة قدام المحل بتاعي، وفي نفس الوقت كان ضابط الشرطة بيحاول يعدي بعربيته وقولتله ثواني بس عربية القصب تمشي وأنت تعدي، راح نازل من عربيته ومطلع المسدس وضرب 3 طلقات واحدة منهم جت في رجلي والتانية جت جنب رجلي التانية».

وتابع صاحب محل القصب: «قبل ما يعتدي عليا الضابط بالضرب، شتمنا وقال علينا أننا معندناش ذوق وأننا أزاي نكلم ضابط شرطة بالطريقة دي».