أحد أهالي قرية الطوايلة بسوهاج: «تعبنا من الثأر.. والأزهر هو الحل»

شهدت قرية الطوايل بمركز ساقلته في محافظة سوهاج، في الأيام الماضية، حادثة ثأر راح ضحيتها 5 أفراد من عائلة واحدة، وُجرح آخرون.

«التحرير» التقت أحد أفراد القرية التي شهدت الحادثة ويدعى محمود رمضان هاشم، ليشكف ملابسات الحادث.

12 قتيلا في 8 سنوات

يقول «أنا من أبناء القرية وعايشت بمرارة موت كل هولاء، 12 قتيلا وآخرون جرحى، أصيبوا خلال معارك دامية استمرت منذ 2008 وجتى الآن.

ويضيف «تعبنا من كتر المقتولين وعمرنا متصورنا ان دا يحصل، بالعكس هما حبايب وقرايب ونسايب كمان بس اختلفوا على حاجات بسيطة ومن ساعتها ضربوا نار واحد مات من أحد العائلتين وخلصوا تاره وبعديها بدأت إصابة وقتل وإصابة وقتل لحد موصلنا لـ12 ويا عالم في إيه تاني؟».

ويتابع بحسرة «بنام من المغرب ياعني لا ونيس ولا غيط ولا صحبه ولا فرحه ولا عيد ايامنا كلها بقت لونها اسود وفي اي لحظه نسأل نفسنا مين من صحابنا هيموت ومين هيعجز ومين يتصاب ولا شايفين شغلنا وعملنا ولا عارفين نروحه واحنا في الاصل ملناش دعوة بالموضوع وغرباء عنه».