السيسى.. الرئيس الصح للشعب الغلط! | المصري اليوم

فجأة كده وبدون أى مقدمات أصبح المصريون كلهم لا يستطيعون العيش بدون سكر وجاتوه!... وأنت أتاريك يا حمادة واد فرنساوى بتموت فى الحلويات الفرنساوى ولا أحد يعرف عنك ذلك حتى فضحك اختفاء الجاتوه!.. المصريون كلهم الآن شاغلهم الشاغل أنهم لا يجدون السكر أو أن السكر غلا سعره!.. حياتهم ستتوقف لو لم يشربوا الشاى أبو سبعتاشر معلقة سكر!.. أهم شىء فى الدنيا هو المزاج.. والشعب المصرى سمباتيك خالص ومهندم وصاحب مزاج، وسينزل يوم 11/11 لأن مزاجه متعكر!!.. طيب هيعملوا إيه يا حمادة عندما يختفى الحشيش؟!.. حقا يا حمادة كما تقول النخب إن مصر تسير إلى المجهول!.. وللا قالوا إنها بتحجل للمجهول؟.. تكونش بتنط الحبل للمجهول؟.. احتمال برضه تكون بتبلط فى المجهول!.. تصدق بالله يا حمادة؟..