زكريا ناصف : «مش مطلوب مني أشجع المنافس .. ولكن»

تحدث زكريا ناصف نجم الأهلى والزمالك ومنتخب مصر الأسبق عن المناوشات التي تدور في الساحة الكروية المصرية بين جماهير الفريق الأحمر والأبيض وذلك قبل نهائي دوري ابطال افريقيا.

وقال "ناصف" في تصريحات لبرنامج "الحريف" على شاشة "دي ام سي سبورت" : "تشجيع المشجع لناديه زي إنتماءه لبيته ولمدرسته ولبلده في النهاية وده جزء من الإنتماء وده شئ صحي".

وواصل نجم مصر الأسبق : "الجزء الخاص بتشجيع المنافس ، في فرق بين اني اتمنالك حظ موفق ولكن متطلبش مني أشجع الفريق المنافس ولو عايز تشجعه أوكي ولكن مش بصورة أنه لو مشجعتنيش تبقى مش منتمى لنادي في بلدي".

وأكمل "ناصف" حديثه : "لما نروح لندن وتلاقي أرسنال وتوتنهام وتشيلسي ودول في لندن ، هل الجماهير بتنتمنى للندن ولا للنادي ؟ مش مطلوب منهم أنهم يشجعوا المنافس لو بيلعب في الشامبيونزليج انما هقولك جود لاك ودي المطلوبة".

وأضاف : "التنافس بين الأهلى والزمالك مش بس على مين يكسب مين ، التنافس في الحصول على البطولات في الأرقام بتاعة البطولات ، وبالتالي بعض جماهير الأهلى مش عايزة الزمالك يقرب من أرقام الفريق عشان في تنافس ومش عايز المنافس بتاعه يقرب