«وايت نايتس» بعد القبض على 48 مشجعا: الطريق للاستاد آخره زنزانة

أصدر أعضاء ألتراس "وايت نايتس" بيانا ناريا بعد القبض على حوالي 48 مشجعا للزمالك في محطة القطار أثناء ذهابهم لتشجيع فريق كرة اليد بصالة الأوليمبي بالإسكندرية.

وجاء بيان رابطة ألتراس وايت نايتس والذي تم نشره عبر الصفحة الرسمية للرابطة علي موقع التواصل الإجتماعي "فيس بوك" كالتالي:

"النهاردة تم اعتقال حوالي 48 مشجعا زملكاويا في محطة القطر في إسكندرية وهم رايحين يحضروا ماتش كرة يد في صالة الأوليمبي.

خلاص بقى العادي أن أي مشجع لأي رياضة وهو رايح يشجع فريقه يتحبس ويتجرد من حريته بدون أي وجه حق.

في شرع مين بقى الطريق للاستاد أو الصالة آخره زنزانة في سجن مش كرسي في مدرج؟ ومشجعين يقعدوا بالسنتين والتلاتة ورا القضبان في حبس احتياطي وعلى ذمة قضايا فشنك مفيهاش دليل إدانة واحد؛ والتهمة مشجع!

جماهير الرياضة مكانهم الطبيعي الاستاد.. ما ينفعش يكونوا نزلاء في السجون ظلمًا وعدوانًا لمجرد إنهم بيحاولوا يشجعوا فرقتهم

وإذا كان ده تعامل الأمن مع جماهير رايحة تحضر ماتش يد في صالة صغيرة.. الوضع هيكون شكله عامل إزاي في نهائي أفريقيا؟