عمرو حمزاوي: ذكريات حرب أكتوبر محفورة في وجدان المصريين

روى عمرو حمزاوي، أستاذ العلوم السياسية بالجامعة الأمريكية، ذكريات طفولته مع حرب أكتوبر التي وقعت عام 1973.

وقال حمزاوي في تدوينة عبر صفحته الشخصية على موقع التواصل الاجتماعي "فيس بوك": "اللي فاكره من يوم 6 أكتوبر 1973 وكان عمري وقتها 6 سنين، هو فرحة والدي الله يرحمه وهو راجع البيت وبيقولنا اننا عبرنا القناة، فاكر كمان نشرة الراديو وصوت المذيع اللي قال ان القوات المسلحة دمرت خط بارليف، وابتدينا نحط شرايط لزاق على شبابيك الشقة، وفضلت أيام كتيرة".

وتابع: "رجوع الضباط والجنود من الجبهة مصدر لذكريات تانية جميلة عشان القرايب اللي كانوا في الخدمة، كان منهم وقتها المقدم طيار فؤاد سماحة رحمه الله اللي كان بيطير طيَّارات نقل العتاد الكبيرة اليوشن حسب ما قال لنا بعد الحرب. من وقتها عمر ما الاسمين بارليف واليوشن اختفوا من ذاكرتي".

وواصل: " 6 أكتوبر 1973هو يوم محفور بذكراه ومشاهده ونصره وفرحته في وجدان كل مصرية ومصري".