10 حاجات تعمليهم فى البيت هيخلوكى سعيدة فورا و ببساطة !

وسط الضغوطات اللى بنقابلها كل يوم فى الشغل و البيت و حتى فى الكلية، اوقات بنحتاج نعمل حاجه تحسسنا انه يومنا خفيف و مبهج و تخفف عننا روتين كل يوم ، فى المقال ده بنات حوا هتقولك على 10 حاجات سهلة و بسيطةجدا لو عملتيهم مع الوقت هيفرقوا فى نفسيتك و يخلوكى مبسوطة ومودك احسن من غير اى مجهود ولا تعب، اعرفى معانا 10 حاجات تعمليهم فى البيت هيخلوكى سعيدة فورا و ببساطة !واحدة من حاجات تعمليهم فى البيت علشان تبقى مبسوطة هى انك لما تصحى من النوم، اول حاجه تعمليها انك ترتبى سريرك ، عادة ترتيب السرير بتحسن المود بشكل كبير و بتساعدك تبقى نشيطة الصبح .تانى حاجه ممكن تعمليها هى انك تصحى بدرى شوية علشان  تروقى البيت قبل ما تنزلى ، لما ترجعى من الشغل و تلاقى البيت متروق و نضيف مش محتاجه تعملى حاجه فيه ده هيخليكى تحسي انك مسترخية و مش هتحسي انه وراكى هم الترويق و التنضيف وانتى جاية تعبانة من الشغل، و كمان بكده هتوفرى وقت اكتر ترتاحى فيه .اشترى حاجات بسيطة و اعملى بيها ديكور فى البيت، مش لازم حاجات غالية ممكن رسمة عملها ابنك او صورة بتحبيها فى برواز ، خلى محيطك يبقى فيه دايما حاجه بتحبيها و بتفكرك بأوقات حلوة تخليكى مبسوطة .هاتى note شكلها حلو و خليها الـ happy diary بتاعتك واكتبى فيها المواقف او الاوقات الحوة اللى مريتى بيها كل يوم ، و من وقت للتانى اقريها هتفكرك بالاوقات اللى كنتى فيها مبسوطة و ده هيحسن مودك و يخليكى سعيدة . و مش لازم تكتبى كتير، سطر واحد يوصف الموقف هيبقى كفاية .مفيش حد فينا بيعرف يهرب من شغل البيت ، علشان كده حاولى  تخليه ممتع و اتبسطى وانتى بتعمليه . فمثلا و انتى بتغسلى الاطباق ممكن تشغلى مزيكا بتحبيها و تسمعيها او انه تخلى اولادك يساعدوكى و بكده تكونى قضيتى وقت ممتع معاهم .قبل ما تقومى من السرير كل يوم الصبح ، خدى دقيقتين فكرى فيهم و حددى ايه هى الاهداف اللى عايزة تحقيقيها فى يومك .حاولى تفكرى فى حاجات لطيفة تقدرى تعمليها للى بتحبيهم من غير ما تستنى مقابل ، مهما كانت بسيطة هتبسطهم وتبسطك بشكل كبير .خلال اليوم، خصصى كام دقيقة تتصلى فيها بحد من اصحابك او قرايبك و اسألى عليهم. و متكتفيش بأنك تبعتى رساله، ممكن  تتصلى فى بريك الشغل او حتى وانتى بتعملى الاكل فى البيت. وافتكرى دايما انه الانسان كائن اجتماعى و ميعرفش يعيش من غر ناس بيحبهم حواليه .حاولى تصرفى فلوسك على حاجات مفيدة و انك تشترى حاجات تساعدك تخلقى جو ايجابى فى البيت، ممكن مثلا تشترى فيلم تتجمع عليه العيله كلها و تشوفوه سوا ، او شواية تتجمعوا و تعملوا الاكل مع بعض و تقضوا وقت حلو مع بعض.خصصى جزء من وقتك لنفسك و حاولى تعملى فيه حاجه بتحبيها و تساعدك تسترخى ،ممكن تنزلى تتمشى او تقعدى فى مكان اخضر و مفتوح او مثلا تقرأى رواية او كتاب بتحبيه ، زودى ثقافتك و معلوماتك و كل يوم حاولى تعملى حاجه انتى بتحبيها . واهم حاجه افتكرى دايما انك تستاهلى تبقى سعيده :)