المحتوى الرئيسى

أول سيناريو "متفائل" لتعويم الجنيه

10/05 06:37

نشر الكاتب الصحفي حسام السكري تدوينة لأحد أصدقاءه يدعى "ولا الدين بكري" يضع سيناريو في غاية التفاؤل لفكرة تعويم الجنيه ، وهو ما لا يتفق مع غالبية أراء الخبراء الاقتصاديين .

وطلب "السكري" من متابعيه بإبداء رأي مخالف لما قاله "بكري" في تدوينته التي نصها: "

ناس بتسأل هو إيه اللي هايحصل لو تم تعويم الجنيه تماماً. خلينى أقولك اهم خمس حاجات هاتحصل:

١. هاتروح تشتري الدولار او اي عمله صعبه من البنك ب ١٣ جنيه معزز مكرم او من على الانترنت بدل مابتروح تقابل تاجر العمله وتشتريه ب ١٣جنيه و٥٠ قرش فى مكان مغلق وتحس كانك بتشتري مخدرات ويرفض يشرب الشاي لحسن تكون حططله فيه مخدر.

٢. المصريين بالخارج يرجعوا يحولوا فلوسهم بالعمله الصعبه عن طريق البنك لأهلهم فى مصر واهلهم يحولوها للمصري برضه فى البنك لان مش هايبقى فيه فرق بدل مادلوقتى بيدوا فلوسهم لتجار العمله فى البلاد العربيه والتجار دول يبعتوا جنيه مصري بس لأهلهم فى مصر.

٣. البنوك ها توفر للتجار العمله اللى هما عايزينها وتعاملهم كرجال اعمال مش كأنهم ناس شغاله فى غسيل الأموال بدل ما دلوقتى بيروحوا يلموها من السوق السوداء وحاسين انهم بيرتكبوا جريمه او بيشتروا الدولار من تجار العمله فى الدول العربيه والتجار دول بيحولولهم فلوسهم للمصدر من بره بره من غير الفلوس ماتدخل مصر ولا البنوك المصريه تستفيد من وجودها يوم واحد حتى.

٤. الناس ترجع تحط الدولارات اللى معاها فى البنك عشان هيحسوا انهم ممكن ياخدوها تانى لو احتاجوها

٥. أهه الأسعار ! هاتغلى؟ لأ طبعا الأسعار غليت اساسا وهتفضل تغلى طول مافيه سوق سودا للعملة . بالعكس ممكن الأسعار ترخص لان التجار بدل مابيشتروا الدولار دلوقتى ب ١٣ جنيه و٨٥ قرش هايشتروه ب ١٣ جنيه وبعد شويه ممكن يوصل ١٢ جنيه.

طب ناس كتيره ( ٨٥٪‏ ) من الشعب المصري لا معاهم دولار ولا عمرهم شافوا الدولار ولا بيشتروا حاجه بالدولار. طب ممكن بقى ال ١٥٪‏ اللي عاملين الدوشة دي كلها. يلتزموا الصمت قبل مالجنيه يغرق ويغرقوا معاه ".

و رد العديد من متابعي "السكري" على التدوينة ، حيث قال "محمد حسن": "تعويم الجنيه معناه رفع الرقابة وتركه للمضاربة وده هيخليه ياخد سكة سودة زي أيام عاطف عبيد اللي كان وضعه أقوى من دلوقت بكثير وصمم يعومه وبعد كام شهر ندم وربطه بعد ما رجال الأعمال حققوا ثراء سريع".

وقال "أشرف إبراهيم": "ده كلام جميل جدا لو المنتجات المستوردة كلها كماليات و أجهزة وحاجات من دي لكن البنوك بتوفر دوﻻر لمستوردي السلع الحيوية (زيت و سكر و قمح و أعلاف و مكوناتها)  .. ده معناه ارتفاع اسعار السلع اﻻساسية إلى الضعف تقريبا و بالتالي مع موجة التضخم حتزيد أسعار باقي السلع تاني ..باإضافة إلى أن خفض قيمة العملة مفيد لتنمية الصادرات ، تقدر تقول لي احنا بنصدر ايه غير شوية منتجات زراعية و مواد خام؟".

وقال "أحمد صالح": "دا زي ما يقولك بدل ماتقف طابور علي بتاع العيش المدعم ابو شلن زمان لاء روح علي المخبز الحر اقعد علي كرسي وهيجيلك العيش الرغيف بنص جنيه

- مفيش أي رأي اقتصادي قاله علشان تناقشه فيه

- الباشا افترض أن الفلوس دي تم توفيرها من البنك المركزي نفسه مش من القروض بفوايد .

- السلع الأساسية المهمة هتغلي جدا بنسبة ٣٠٪‏ لأن السلع دي هي الي بيوفرها البنك بسعر ٩ جنيه بعد كدا هيوفرها بسعر ١٣ جنيه

و لو مقدروش يضخوا الدولارات بالكميات المطلوبة في البنوك هترجع السوق السوده تاني ببساطة.

-افترض أن مشكله تحويلات المصريين أنهم بيحولوها فقط في السوق السوده بعكس أن الازمة أن التحويلات قلت بسبب الوضع الاقتصادي المتضرر للدول الخليجية بعد انهيار سعر البترول

أهم أخبار متابعات

Comments

عاجل