بالفيديو| "غفير القصر" قصيدة جديدة لهشام الجخ

قدم الشاعر هشام الجخ أحدث قصائده والتي تحمل عنوان "غفير القصر" ، وذلك خلال حفلة ساقية الصاوي والتي قدمها يوم السبت الماضي الموافق 1 أكتوبر 2016.

ويقول الجخ في قصيدة "غفير القصر":-

غفير القصر أهم من الملك والقصر والحاشية

يتغير عليه وزرا يتغير عليه دواوين

وهو الشاهد الأوحد على الأحداث

وهو اللي في إيديه الحصر

لما الأرض ضاقت بيك طلعت جبان

هربت في قطر أحلامك وسبت البيت

أميرة القصر ضحكتلك رميت اللي في إيديك وجريت

ياواد اللي في إيديك كان نور

أميرة القصر مش أحلى بنات الحور

ولا أنت الفارس الأوحد ولا الددبان

وسور القصر طول عمره بيتفرج علي الفرسان

ييجوا كل يوم يتلموا بره الخط

وعمر ماحد فكر فيهم أنه ينط

ويرجع تحت رجليها ويوهب عمره وحياته

لو حبك غفير القصر كان عداك

كان وداك لبلكونة الأميره تشوف

من جوه بيبقي اللعب ع المكشوف

يعني هتكدب الكدبه اللي كل الناس بتكدبها

هتقول أنك أنت اللي اعتليت السور

وجوعت شهور وعومت بحور عشان توصل لأحلامك

ساعتها الناس هتمشي وراك وهتأمن علي كلامك

مفيش في الغربه غير سهرك

متغركش أنوارها دي غربه تقيله وبخليه