16 حيلة لشفايف جميلة ومغرية !

كل البنات دايما بيحبوا يدوروا عن كل حاجة خاصة بجمالهم وازاي يطلعوا باحلى لوك وايه الطرق الصح اللي تطلع الميك بتاعنا بشكل مثالي وحلو, عشان كده احنا دايما بنجيب لكل بنات حوا كل حاجة تخليهم احلى واجمل والنهاردة هنقولكم على 16 حيلة هتخلي شفايفكم جميلة ومغرية.من الحيل واسرار المكياج اللي هتخلي شفايفك تطلع شكلها احلى انك تحطي زبدة كاكاو قبل الروج او احمر الشفايف كأساس ليه هيطلع الروج بشكل احلى ده غير انه هيرطب الشفايف جدا.لو عندك لون روج وحاسة انه فاقع او اوفر اوي وعايزاه يكون اخف ممكن تعملي حيلة بسيطة جدا انك تحطي منه طبقة رقيقة اوي على نص الشفايف وتفرديها بصوابعك على شفايفك كلها بالطريقة دي اللوك هيطلع طبيعي اوي.لو عايزة شفايفك تبان ممتلئة اكتر, كل اللي هتعملية انك هتحطي طبقتين من الروج, الطبقة الاولى على شفايفك كلها بلون غامق, والطبقة التانية بلون افتح على نص الشفايف بس وامزجي اللونين مع بعض بصوابعك او بفرشة الروج بالحيلة دي الشفايف هتطلع شكلها ممتليء.لو عندك لون روج بيلمع وعايزة تخليه مات ممكن تحوليه بطريقة بسيطة جدا, هتحطي الروج بتاعك عادي وبعدين تجيبي بودرة شفافة تحطيها على شفايفك وتسيبيها لمدة دقيقة وبعدين بالفرشة شيلي اي بودرة زيادة من على الشفايف هتلاقي اللون بتاعك اتحول لمات وكمان هتثبت الروج لفترة اطول.. شوفي من هنا 6 اسباب هيخلوكي تحبي الروج المات.ممكن تعملي روج بنفسك باي لون انتي عايزاة باستخدام الفازلين والايشادو, كل اللي هنعمله هنجيب الفازلين واي لون ايشادو عندك عايزة تعملي منه روج وتخلطيه مع الفازلين وكده يبقى الروج جاهز عندك تستخدميه على شفايفك بالفرشة او بصوابعك.قلم تحديد الشفايف اختياره مهم جدا عشان يطلع الشفايف شكلها حلو, المفروض انه قلم التحديد يكون نفس درجة لون الروج مش اغمق عشان كده احسن حاجة حاولي تشتري قلم التحديد مع الروج عشان تجيبيه نفس الدرجة.. اعرفي من هنا طريقة تحديد الشفايف زي المحترفين.عشان ترسمي الشفايف بخط دقيق ومظبوط ممكن بعد ما ترسميه تستخدمي منديل او عود قطن او وسادة قطنية عشان تظبطي الرسمة وتمسحي اي حاجة مش مظبوطة.لو عندك اكتر من قلم تحديد وزهقتي منهم كلهم وعايزة لون جديد ممكن تعملي ميكس بينهم يعني حطي اكتر من لون على بعض هيطلع معاكي لون جديد ومختلف خالص عن اللي عندك.من الحيل اللي بتطلع شكل الشفايف احلى وبتبرز جمالها اوي هي طريقة رسم الشفايف اومبري اللي بتعتمد على تدريج لون الشفايف ما بين الغامق والفاتح, ممكن تخلي مثلا الزوايا الخارجية للشفايف غامقة وفي النص افتح.. شوفي من هنا طريقة تلوين الشفايف اومبري بالخطوات.لو شفايفك رقيقة اوي وعايزة تبينيها بحجم اكبر ممكن تعملي ده بحيلة بسيطة اوي انك بعد ما تحطي الروج جيبي ملمع شفايف وحطيه على منطقة نص الشفايف بس هيدي حجم اكبر لشفايفك.. شوفي من هنا طرق طبيعية لتكبير الشفايف.من المشاكل اللي بتقابلنا مع الليب جلوس او ملمع الشفايف انه بعد ما نحطه بفترة قصيرة بيتلخبط ويسيح وبيخلي شكل الشفايف مش حلو وعشان نحل الموضوع ده بعد ما نحطه ممكن نحط عليه طبقة رقيقة من البودرة الشفافة ونستخدم منديل على الشفايف بطريقة الضغط عشان نشيل بيه اي بودرة زيادة.لو عايزة لمعان طبيعي للشفايف ممكن تستخدمي الهايلايتر تحطي منه طبقة رقيقة على منطقة نص الشفايف.لو عايزة تبرزي شكل الشفايف اكتر, ارسمي خط بقلم تحديد الشفايف فوق رسمة شفايفك الاصلية وبعدين املي اللي انتي حددتيه بالروج, الحيلة دي بتبرز شكل الشفايف اوي وبتخلي شكلهم اكبر.لما تيجي تختاري الوان الروج حاولي انك تبعدي عن الالوان الغامقة اوي لانها بتبين شكل الشفايف اصغر.عشان تحافظي على شفايفك دايما ناعمة وشكلها حلو, قشريهم بانتظام باستخدام فرشة السنان افركي بيها الشفايف عشان تشيلي الجلد الميت وتحافظي عليها ناعمة وصحية.لو هتستخدمي روج بألوان فاتحة ومنورة او ملمع شفايف حطيه بطريقة صح وهو انك تبدأي تحطيه من نص الشفايف الاول وبعدين للزوايا, ده هيخلي الشفايف يطلع شكلها احلى وممتليء اكتر.