افضل 5 تمارين لوسط نحيف ومثالي في 30 يوم بس تقدري تعمليهم في البيت بسهولة

اكيد كل البنات بتتمنى وبتحلم توصل لوسط نحيف ومنحوت ومثالي زي الموديلز والمشاهير, المشكلة مش بنعرف نوصل لده ازاي وكمان ممكن نكون معندناش وقت اننا نمارس رياضة بشكل كافي عشان نوصل للشكل اللي احنا عايزينه, ومش كلنا بنقدر نروح الجيم دايما, عشان كده احنا النهاردة هنحل لكم المشكلة دي بـ 5 تمارين بس تعملوهم في البيت هتوصلكم لوسط نحيف ومثالي مش هتاخد منك اكتر من 15 دقيقة في اليوم وهتشوفي نتايج ملحوظة جدا خلال 30 يوم بس.– اول خطوة هتنامي على الارض وهتخلي الذراعين جنيك, افردي رجلك وابدأي ارفعيها لفوق وميليها ناحية الراس تقريبا بزاوية 45 درجة بحيث ترفعي منطقة المؤخرة عن الارض, وحافظي على الذراعين والكتفين على الارض.– ميلي الساقين ببطء ناحية اليمين لحد ما تحسي ان عضلاتك مالت ناحية اليمين او بتتحرك معاكي.– رجعي الساقين للمركز او في النص من غير ما تنزليهم على الارض وبعدين ميليهم ناحية الشمال, ثبتي الحركة لكل ناحية لمدة 2 ثانية, كرري الحركة بدلي ما بين الناحية اليمين والشمال اكتر من مره.– اقعدي على الارض وخلي ضهرك مشدود وبشكل مستقيم, افتحي الساقين اوسع من مستوى الكتفين بشوية, وافتحي الذراعين جنبك.– لفي بالكتفين بزاوية 90 درجة, والمسي رجلك الشمال بايديك اليمين, ارجعي للوضع الاولاني, وكرري نفس الحركة للجنب التاني والمسي رجلك اليمين بايديك الشمال, واثبتي على الحركة لكل جنب 30 ثانية, كرريه اكتر من مره.– التمرين ده هنستخدم فيه الدامبلز ولو مش متوفر عندك في البيت ممكن تستخدمي ازازة مية صغيرة مليانة مية بديل للدامبلز لان الوزن هيعمل توازن اثناء التمرين.– اقعدي على الارض وامسكي الدمبلز بايديكي الاتنين, اتني الركبتين بس خلي القدمين مسطحين على الارض, ميلي بضهرك ناحية الارض 45 درجة, وخلي الذراعين قدام الصدر.– لفي ناحية اليمين بمنطقة الجذع بس يعني المنطقة اللي فوق وخلي اللي تحت ثابتة, بعدين ارجعي لوضع البداية ولفي ناحية الشمال, كرري التمرين 30 مرة لكل جنب.– اقعدي على الارض على جنب واحد وخلي الساقين مايلة شوية للجنب, اسندي بايد على الارض والايد التانية جنبك, ارفعي منطقة الورك من على الارض وارفعي ايدك فوق راسك اعملي بالحركة شكل قوس.– نزلي ايدك جنبك ببطء واثبتي على الحركة دي وعدي لحد تمانية, كرري التمرين 15 مرة ورا بعض للجنب اليمين, وبعدين اعمليها 15 مرة للجنب الشمال.– نامي على معدتك, ارفعي الذراعين للامام وارفعي الساقين والفخدين ومنطقة الصدر من على الارض.– ارفعي الايد اليمين مع الرجل الشمال في الهوا, وبعدين بدلي وارفعي الايد الشمال مع الرجل اليمين, وافضلي بدلي بينهم في الهوا 10 مرات وكل مره عدي لحد 20 مع كل حركة, خدي راحة 10 ثواني وكرري الحركات تاني.