المحتوى الرئيسى

أعرفي شكل جسمك من يلا فورما

09/25 18:09

لو عايزة تتمرني بس مش عارفة تلعبي ايه او تبدأي ازاي, احنا بنقدملك أشكال الأجسام الـ6 علشان تعرفي جسمك شكله ايه و ايه انسب تمارين ليكي. كل شكل بيحتاج كاريدو معين و تمارين رياضية معينة, لأن ماينفعش كل الأجسام تلعب بنفس الطريقة و بنفس الأوزان.

6 أشكال أساسية لجسم المرأة:

1. جسم علي شكل حرف A

• الجسم ده بيتسمي "شكل المعلقة".

• السيدات اللي بتمتلك الشكل ده بيكون وزنها زايد في الجزء السفلي من الجسم (الارداف, الفخذ)

• الوسط و الجزء العلوي بيكون صغير نسبيا.

أصحاب الشكل ده يٌفضل يلعبوا عجلة, تريدميل, رياضة المشي, الأوربت راك elliptical machine.

يٌفضل استخدام اوزان خفيفة الي متوسطة علشان يحقق التوازن في شكل الجسم. زودي تمارين للجزء العلوي من الجسم زي: ضغط الاكتاف باستخدام الدامبلز, الرفرفة الجانبية و تمرين السحب لاسفل pulldown بتكرار 6-8 مرات. بالنسبة لتمرينات الجزء السفلي من الجسم: الاسكوات, lunges, التمرين على جهاز الـ leg extensions بتكرار 10- 15 مرة.

2. جسم علي شكل حرف V

• الجسم ده اسمه "شكل القمع" او "الشكل المخروطي"

• السيدات اللي بتمتلك الشكل ده بتكون الأكتاف أعرض من الأرداف. ديما بيكون عندهم أكتاف و صدر عريض, أرداف و وسط صغير نسبيا و ارجل رفيعة.

يٌفضل استخدام جهاز الخطوات stepper و المشي علي جهاز التريدميل بزاوية مائلة.

للحصول على أرجل متناسقة, ركزي على تمارين الأرجل زي: الأسكوات, جهاز ضغط الرجل leg press, Romanian deadlift. ممكن تعملي تمارين لنحت الرجل زي: lunges و التمرين على جهاز الـ leg extensions. استخدمي أوزان متوسطة و ثقيلة بتكرار 6-8 مرات.

3. جسم علي شكل حرف H

• الشكل ده بيمتلك جسم رياضي, اكتاف عريضة و وسط عريض.

• لكنه ممتلئ و بيفتقر للتوازن.

الجسم ده بيحتاج تمارين كارديو زي التريدميل بزاوية مائلة و جهاز الـ stepper لتحقيق التوازن لشكل الجسم.

التركيز على الأسكوات, جهاز ضغط الرجل leg press و Romanian deadlift كتمرين اساسي و انهاء التمرين بالـlunges و التمرين على جهاز الـ leg extensions. استخدمي اوزان متوسطة و ثقيلة بتكرار 6-8 مرة.

4. جسم على شكل المسطرة

• الجسم ده بيكون مقاس الاكتاف و الصدر و الوسط و الارداف متساوي.

• الجسم ده بيكون رفيع جدا و لا يكتسب وزن بسهولة لان عملية حرق الدهون بتكون عالية.

يُفضل القيام بتمارين كارديو قليلة زي الـstepper و التركيز اكتر على تمارين المقاومة.

السيدات اللي بتمتلك الشكل ده من الجسم لازم تمرن كل عضلات جسمها مرة واحدة اسبوعيا لأكتساب التوازن و القوة. استخدمي تمارين مركبة زي : الأسكوات, تمرين الـlat pulldown, ضغط الأكتاف و الـbench press. كرري التمرين 6-8 مرات لبناء العضلات.

5. جسم علي شكل 8

و الجسم ده بيتسمي "الساعة الرملية" و بيكون عندهم طول و وزن مناسب. الجزء العلوي من الجسم بيكون نفس مقاس الجزء السفلي و وسط صغير. عارضات الأزياء بيمتلكوا الجسم الرشيق ده.

صاحبات الجسم ده ممكن تقوم باي تمرين من تمارين الكارديو. لازم التوازن بين تمارين الكارديو و تمارين القوة.

الجسم ده بيكون الجسم المثالي اللي بتحلم بيه اي سيدة من حيث اللياقة او بناء العضلات. يمكن الاعتماد على برنامج تمارين متوازن. يُفضل تغيير روتين التمارين كل 6-8 اسابيع لاقصي استفادة.

أهم أخبار الرياضة

Comments

عاجل