المحتوى الرئيسى

50% زيادة في أسعار الأدوات المكتبية ومستلزمات المدارس

09/24 00:21

سجلت أسعار الأدوات المكتبية ومستلزمات المدارس زيادة بنسبة 50% قبل ساعات من بدء العام الدراسي داخل أسواق ومكتبات مدينة الإسماعيلية .

ورصدت بوابة الوفد إرتفاع أسعار الأقلام والأدوات الكتابية والورقية بنسبة تراوحت ما بين 30 إلى 50% عن العام الماضي وشهدت المكتبات إزدحماً شديداً من أولياء الأمور والطلاب لشراء المستلزمات المدرسية .

وقالت أسماء عبد العظيم وليَّة أمر لطفلين  في المرحلة الإبتدائية "إشتريت أدوات مدرسية وكراسات وشنط وأدوات مكتبية تتضمن أقلام وألوان وغيرها لطفلين ب نحو 1000 جنيه  ده غير الكتب الخارجية والزي المدرسي ".

وتابعت " الأسعار نار وأنا بحاول أستغنى عن بعض الحاجات رغم إني موظفة وزوجي موظف بس دخلنا لا يستطيع تحمل كافة النفقات المدرسية ".

وقالت فاطمة زكريا ولية أمر لثلاثة أطفال في المرحلة الإبتدائية والإعدادية "إضطريت أستلف من أختي عشان أقدر أكمل وأشتري مستلزمات المدارس ..أنا صرفت لحد دلوقتي أكتر من 2000 جنيه ولسه الدراسة مبدأتش "وأكدت "إحنا طالعين من العيد وقبلها رمضان والحالة تعبانة والأسعار زايدة في كل حاجة مش بس مسلزمات المدارس "

وقال نادر عبد الله موظف بأحد الشركات الإستثمارية " أنا عندي طفلة واحدة في المرحلة الإبتدائية وبشتكي من إرتفاع أسعار لبس المدارس والمستلزمات والأدوات الكتابية طب الله يكون في عون الناس اللي عندها 3 و4 أطفال يعملوا أيه ".

وقال سيد الإسكندراني تاجر مواد كتابية بالإسماعيلية "السوق حاله واقف والإقبال محدود على  شراء الأدوات الكتابية اللي كان بيشتري دستة أقلام دلوقتي أخره يشتري 3 او4  أقلام .المحيات والأساتيك أسعارها في زيادة والكراسات أسعارها زايدة بسبب إرتفاع سعر الدولار وزيادة رسوم الكهرباء والإيجارات والعمالة ".

وأعلن  اللواء يس طاهر محافظ الاسماعيلية إفتتاح معرض للمستلزمات  والأدوات المدرسية والزى المدرسى أقيم  بمقر المعرض الدائم للسلع الأساسية بنادى المنتزه بمنطقة الشيخ زايد بحى ثالث.

أهم أخبار مصر

Comments

عاجل