تعليق ناري من داعية إسلامية علي متصلة:"هخلع جوزي"

اشتكت متصلة تدعى زينب، زوجها علي الهواء، قائلة:” أنا متجوزة بقالى 5 سنين ومن يوم مااتجوزت قعدت 3 سنين مخلفش واول مااتجوزت كان جوزى شكله ملتزم وانا وافقت عليه عشان كده وبعد شهرين بالظبط عرفت ان هو بيشرب مخدرات ومدمن وحبيت اصلح منه مفيش فايده وكنت بستحمل يضربنى ويهنى وابويا اللى كان بيصرف عليا”.

وتساءلت المتصلة فى خلال مكالمة هاتفيه ببرنامج “فقه المرأه” على “قناه الحياة2” اليوم الجمعة، قائلة:”جوزى كان بيضربنى ويقولى شوفى حد يصرف عليكى انتى وابنك واروح بيت اهلى وارجع عشان كلام الناس وانا دلوقتى معايا ابنى عنده سنتين ومش بيصرف عليا ولاعلى الولد وانا رافعه قضيه خلع وقضيه نفقه للولد فانا مش عارفه انا كده بظلم ابنى معايا والا اده حقى!”.