بالفيديو| أرخص زي مدرسي بـ 150 جنيه.. والأهالي: بعنا دهبنا عشان عيالنا

حالة من الاستياء بين المواطنين مع ارتفاع أسعار الزي المدرسي ومستلزمات المدارس وذلك قبيل بدء العام الدراسي بأيام قليلة.

حيث اكد تجار أن أرخص سعر للطاقم المدرسي فرز درجة ثانية وصل 150 جنيهًا، فيما قالت إحدى السيدات إنها باعت دبلة زاجها الذهب لشراء مستلزمات أولادها الدراسية.

داخل شارع سعد زغلول بالإسماعيلية أكبر وأهم الشوارع التجارية بمدينة الإسماعيلية رصدت "مصر العربية" تناقضًا بين الزحام داخل الشارع وضعف الحالة الشرائية.

وقالت "إيمان محمد" أم لثلاثة أبناء في مراحل تعليمية مختلفة، إنها اضطرت لبيع القرط الذهبي الخاص بابنتيها حتى تتمكن من توفير حق المستلزمات الدارسية، مضيفة: "دخل زوجي لا يكفي لتوفير المستلزمات".

وتابعت: "حتى توك الشعر للبنات وصل سعرها لخمسة جنيهات بعدما كانت لا تزيد عن جنيه واحد فقط بالإضافة لكشاكيل وكتب خارجية ودروس خصوصية ".

وأكدت أنها لم تستطيع شراء الزي المدرسي الجديد لابنها في المعهد الأزهري وأن بعض إدارات المعاهد الأزهرية وافقت بالسماح للطلبة غير القادرين على الحضور بالزي القديم مما يضطرها لذهاب ابنها بالزي القديم.

وتابعت: "إحنا محسناش بالعيد السنة ده ومخرجناش عشان نوفر مصاريف المدارس".

وقال "يوسف" ولي أمر لطفلتين بالمرحلة الابتدائية: "أنا عندي بنتين في المدارس محتاج لهم أكتر من 1000 جنيه عشان أجيب لهم ملابس المدارس والشنط والأحذية.

وتابع: "الشنطة اللي كانت بـ 90 جنيه بقت بـ 140 جنيه والكتب الخارجية للبنت في 2 ابتدائي بـ 250 جنيه.. حتى ساندوتش المدرسة تكاليفه ارتفعت".

وقالت نرمين أحمد، ولية أمر لطفلة في المرحلة الابتدائية إن "تكلفة شراء لبس المدرسة والمستلزمات الأساسية تعدت الـ 1500 جنيه وهو مبلغ كبير جدًا مقارنة بالدخل.

وأضافت: "فما بالك بالأسرة التي يوجد بها طفلين وثلاثة وأربعة بالمدارس".

وقالت أم محمد: "أنا بعت دبلة جوازي عشان أجيب لبس المدارس للولدين.. وبنت خالي قررت إنها تساعدني في توفير لبس المدرسة لأحد أطفالي".

وأضافت أن طقم المدارس بلغت تكاليفه 400 جنيه للطفل الواحد بالإضافة للحذاء والحقيبة وباقي المستلزمات قائلة: "إحنا هنجيب منين.. إحنا طالعين من عيد ورمضان "

وقال محمد طه صاحب محل لبيع الزي المدرسي: "مفيش موسم، الحال واقف، الموسم كان بيبدأ قبل الدراسة بشهر ودلوقتي فاضل 4 أيام والإقبال أقل من العادي".

وأشار أن طاقم الزي المدرسي فرز ثاني وصل سعره لـ 150 جنيه، فيما وصل سعر الزي فرز أول لـ 250 جنيه".

وتابع: "والأسرة اللي كانت بتشتري طقم واثنين لابنهم معدتش بيشتروا غير طقم واحد وأحيانا قطعة واحدة بنطلون أو قميص".

وأضاف: "القميص كان سعره 25 جنيه جملة والأن وصل سعره لـ 50 جنيه مما يضطره لبيعه بسعر 60 جنيه وتحقيق هامش ربح ضعيف لا يتناسب مع مواجهة أسعار الكهرباء والعمالة والإيجارات"، قائلًا: "الواحد بيطلع من الموسم خسران".

وقال نميري زكريا، بائع متجول: "أسعار إيشاربات المدارس سعرها زاد بسبب ارتفاع أسعار الجملة.. والايشارب اللي كان بـ 15 جنيه وصل سعره لـ 35 جنيه والناس بتنزل تتفرج ومحدش بيشتري حاجة والدستة اللي كانت بـ 100 جنيه وصلت ل180 جنيه وفي زيادة كل يوم "